Papa ta nenga di retira Arzobispo sentencia den caso di violacion di mucha

Papa Francisco a recientemente nenga di retira e Arzobispo Philippe Barbarin (68) for di su puesto na Lyon. Barabarin a keda sentencia dia 7 di maart pa un castigo condicional di prizon pa 6 luna. Despues di e sentencia, Barbarin a entrega su retiro como e Cardinal di Lyon.

E sentencia ta bin na raiz cu corte ta di opnion cu Barbarin no a haci suficiente pa proteha muchanan di ser abusa sexualmente. Durante añanan  80 y 90, un pastor di e bisdom di Barbarin lo a comete e acto aki contra algun decena di mucha. E sentencia a bin di sorpresa pa e Bisdom Catolico ya cu mayoria caso a ‘verjaar’ y e acusado prinicipal a apela pa wordo declara liber di acusacion. Barbarin mes a apela su sentencia pero no obstante esaki a entrega su retiro.

Sinembargo, Papa Francisco ta wak e caso diferente y no ta convenci cu Barbarin ta culpabel. Durante un bishita na e Vaticano, e Arzobispo Barbarin kende ta di origen Frances a haya di tende cu e Papa no ta acepta su retiro. Locual si e Papa a haci ta pidi Barbarin pa haci ‘locual cu e ta haya ta ta miho pa e bisdom’, un vocero di e Vaticano a confirma. Na e momento aki Barbarin ta tuma un distancia temporario di su encargo, pero pa cuanto tempo no ta conoci.

You May Also Like

_85282864_c29e2aff-9715-4326-8ab2-0b622160be40.jpg

Muhe Venezolano ta crusa frontera pa busca cuminda

Alomenos 500 muhe buscando cuminda a crusa bordo cu ta separa e estado di ...

Prizonero a cende candela y huy for di prizon na Brasil

Autoridad di Brasil ta busca 52 prizonero cu a huy for di un centro ...

_91953247_dutchemb.gif

Embahador Hulandes a wordo suspendi na China

Un investigacion a start riba embahador Hulandes na China sr. Ron Keller, kende ta ...

A pesar di turismo economia Cubano cu problema

Gobierno Cubano a paga mas di 5 mil miyon dollar na su acreedornan na ...

Mas crèche ta prohibi muchanan sin vacuna

AMSTERDAM – Mas di 100 crèche na Hulanda ta bisa cu nan polisa ta ...