Venezuela: Menasa den petroleo despues di candela di tanki

A raiz di e candela den tres tanki di almacena diluente na e upgrader Petro San Felix, e dirigente sindical petrolero Ivan Freites a denuncia cu constantemente e trahadonan ta haya menasa di parti di gobierno di Nicolas Maduro, pa nan no pasa informacion tocante e deterioro di e instalacionnan.

Freites a indica cu accidente den instalacion di Pdvsa ta di tur dia. E empleadonan di Petro San Felix a inform’e cu e candela tabata di gran magnitud y a plama rapidamente. Dos tanki di 100.000 bari y otro di 180.000 bari di diluente, uza pa reduci e viscosidad di e crudo pisa di Zuata, estado Anzoategui, a bay perdi.

Freites a sigura cu e deterioro tabata e motibo pa cual e tres tankinan a kima. “E menasanan ta constante. 50 trahado a haya pension di manera obligatorio pa motibo politico. Y un compañero cu ta traha na e Faha di Orinoco ta preso pa manifesta su simpatia pa e presidente encarga, Juan Guaido,” asina Freites a declara.

E dirigente di e Federacion Unico di Trahado Petrolero tambe a informa cu na e waf di e Compleho Refinador Paraguana, na estado Falcon, tin un barco atraca cu petroleo destina pa Cuba. “Tin menasa di prizon pa traicion di patria pa e empleadonan di refineria cu ta nenga di carga e barco pa Cuba,” el a conta.

E sindicalista a afirma cu diariamente ta transporta 100.000 bari, aunke e experto petrolero Jose Toro Hardy a indica cu e cifra ey a baha considerablemente. Presidente encarga, Juan Guaido, den su decreto di Estado di Alarma a solicita otro pais pa para e barconan cu ta hiba petroleo pa Cuba.

 

You May Also Like

Venezuela lo haci donacion di US$5 miyon pa damnificado di Harvey na Merca

Venezuela lo aporta cinco miyon dollar pa comunidad na Merca,  cu ta afecta pa ...

Colombia: Hefe y otro tres guerrillero di ELN morto den confrontacion cu ehercito

(Infobae) –  Den un operacion militar desplega diahuebs den un zona rural di municipio ...

Presidente Juan Manuel Santos no ta apoya intervencion militar na Venezuela

E presidente Colombiano, Juan Manuel Santos,a bisa su colega Mericano Donald Trump cu America ...

Corsou: Camara di Comercio y industria a firma MoU cu camara di Panama

WILLEMSTAD – E Camara di Comercio y Industria di Corsou a firma un MoU riba ...

Venezuela: Canada a nenga votacion na embahada Venezolano

(Dolartoday/NoticieroDigital) E canciyer Venezolano, Jorge Arreaza, a sigura cu gobierno di Canada a viola ...

16-03-24_PDVSA.jpg

Venezuela: 10.000 empleado di PDVSA a tuma retiro na januari

(lapatilla.com/Univision) – Den un solo siman na januari, 10.000 empleado di e empresa petrolero ...