ORANJESTAD – Alydia Wever productor di pelicula ‘Riba e mesun awa’ ta indica cu e pelicula ta trata di cu hende ta prefera di evita di papia riba situacionnan dificil. E film ta basa riba un presentacion basa riba diferente disciplina di arte den forma di baile moderno como e parti basico y film musica y teatro.
Segun Sra. Wever e tabata duna e presentacion na luna di juli na su cas na Ayo anto den un espacio habri cual a dun’e e idea pa crea e pelicula aki. E ta basa riba un situacion real. Ta trata di dos miembro di famia di Sra. Wever cu tin cancer. Pues e pelicula ta bay tocante con e ta atende cu esaki y con ta comunica cu otro riba e parti delicado aki.
Cruz
E pelicula ta di e presentacionnan duna y tin musica original traha pa Ryan Oduber. “Nos tin bailadonan cu ta studiando na Hulanda cual ta hendenan hoben cu a haci un presentacion hopi bunita 3 anochi nos a presenta cu 50 hende cada anochi. Mi kier a haci e presentacion uno intimo pasobra ta na mi cas el a wordo presenta y manera ta bisa na Aruba, cada cas tin nan cruz. Mi ta contento cu mi a haci’e pasobra semper bo ta soña algo pero nunca ta pensa cu por realisa esaki. Esey ta e motibo cu mi a bisa cu mi kier trece e presentacion den film y trece den un otro luz como cu mi ta haye necesario.”
