Aruba – Un señora a keda deteni diabierna anochi bou sospecho cu el a hinca su pareha 8 biaha.
Esaki a sosode na un apartamento na San Barbola mas o menos 10 ‘or anochi. E homber hinca a keda den un situacion critico. Polis a detene e señora na e sitio mes. A hiba e señora na warda di Shaba. Tambe a pidi asistencia di Slachtofferhulp pasobra den e cas tabatin 3 mucha kedando tambe. E señora a declara na polis cu nan tabata pleita. El a bisa cu dado momento e homber a push’e y dal e duro riba su brasa. E muhe a dicidi di defende su mes cu un cuchiu.
