25 di juni ultimo comunidad a conoce e resultado di eleccionnan na unda Movemento Electoral di Pueblo (MEP) a keda como e partido mas grandi di Aruba.
Pa e motibo aki, partido a organisa un ‘Parada di Gradicimento’ na unda for di oranan trempan di diadomingo por a mira autonan para band’i caminda pa warda e parada pasa na unda otro autonan tambe a uni hunto cu e candidatonan di e partido y su lider Evelyn Wever-Croes.
Cu un ruta cu a sali for di Bernardtstraat – Lagoweg e parada cu a haya un cambio di ruta despues a pasa na diferente barionan na unda e lider di partido tambe a baha for di e auto pa cuminda algun siguidonan di e partido y tambe pa comparti e alegria di nan triunfo.
Band’i 6or di atardi finalmente e parada cu e lider di partido, candidatonan y siguidonan a yega na su ultimo punto cu tabata Centro Deportivo Frans Figaroa na districto di Noord.
