Paraguay: guerilla cu donacion como condicion pa libera hoben

Diamars miembro di un comunidad di Menonita di norte di Paraguay (Menonita ta un grupo di hende pacifista di movemento Cristian Ana Baptista, cu a nace na siglo XVI, como un expresion radical di reforma) a entrega cuminda na dos poblacion di indigena pober, despues cu guerilla a impone e condicion pa libera un hoben cu ta secuestra desde juli. Alberto Torres, fiscal a splica cu famia di Franz Wiebe a ricibi instruccion via un video, for di Ejercito del Pueblo Paraguayo (EPP).

Den e video, e grupo di guerrillero a compromete su mes di laga Wiebe liber riba diadomingo proximo. E condicion pa liberacion tabata relaciona cu alimento cu nan mester duna na e comunidad campesino, y cu entrega mester tin un balor di 50 mil dollar cada un. Wiebe di 17 aña a ser captura, ora cu e tabata cosecha maishi na un finca situa na colonia Riu Verde. Dia despues di e secuestro, e grupo di guerrillero a tuma contacto cu famia di e hoben y a bisa cu nan a actua robes ora cu nan a captura nan victima, pasobra e intencion tabata pa secuestra e yiu di e doño di finca, y no un trahador.

Ademas di Wiebe, EPP tin secuestra un miembro di comunidad Menonita di origen Mexicano, un polis y un doño di otro finca. Guerrilla a scoge poblacion di Antebi Cue, na norte di Asuncion y Guahory, departamento di Caaguazú , pa entrega e cuminda. E poblacion di Antebi a acepta e cargamento di cuminda y e poblacion di Guahory a rechase pasobra nan ta opina cu e carga tabata bin for un acto no honesto y violento.

E alimento cu a ser rechasa a ser entrega na indigena di etnia Mbya Guaraní, di districto di Yasy Cañy. E grupo di guerilla ta ser señala pa autoridadnan como responsabel di asesina 21 militar, 13 polis y 26 civil desde aña 2008.

You May Also Like

_88931238_cruyff_recent_ap.jpg

Gran futbolista di Hulanda Johan Cruyff a fayece

Futbolista Hulandes conoci mundialmente, Johan Cruyff, a fayece di Cancer cu 68 aña di ...

564ff4921b0000270029e509.jpeg

Brussels tabata riba alerta halto diasabra

BRUSSELS – Belgica a pone su capital Brussels riba alerta halto diasabra, serando tur ...

533418760.jpg

Homber ta fayece despues di cay den acido na Yellowstone National Park

Un turista a cay den un lago di acido cu temperatura nan hopi halto ...

Pa kico tur princes di Disney ta bisti e color blauw

Princesnan di Disney por ta un miho ‘role model’ pa muchanan cu bo a ...

donald-trump-short-fingered-vulgarian-fingers-bruce-handy-ss13.jpg

Senador: ‘Trump a uza palabra racista contra Haiti y paisnan Africano’

(NTN24/AFP) – Presidente Mericano Donald Trump a referi repetidamente na “paisnan di m*****” durante ...