Tension politico ta continua diamars na Ecuador, cu sentimento di incertidumbre tocante resultado di eleccion di diadomingo ultimo. Te na e momento aki no tin claridad, si lo tin un di dos buelta of no entre e candidatonan Lenin Moreno y Guillermo Lasso.

Conseho Nacional Electoral no tin e situacion clarifica ainda y esaki a origina protesta na varios punto di e pais, cu e solicitud di confirma si lo bay tin di dos buelta of no. Te na e momento aki autoridad a controla 91,2% di e actanan. Lenin Moreno, candidato di movimento oficialista Alianza Pais tin 39,06% di voto, mientras cu Guillermo Lasso, candidato di movemento CREO, ta conta cu 28,43%. E datonan aki no ta permiti sa ainda si ta bay tin un di dos buelta of no.

E escenario no ta cla pasobra na Ecuador e sistema ta indica cu presidente por keda eligi den prome buelta, si e tin mas di 50% di voto, o como minimo 40% y un diferencia di 10 punto di porciento compara cu e di dos candidato cu a haya mas voto. Aunke Conseho Nacional Electoral a priminti cu ta duna e resultado definitivo den 3 dia, sector di oposicion a mustra desconfianza tocante maneho di CNE di e proceso. Nan a bisa cu ta sali na caya pa asina solicita un di dos buelta di proceso di eleccion.

Centenares di persona a bira protagonista na varios concentracion dilanti di sede di CNE¬†na Quito, y na centro di procesamento di dato di Conseho Electoral di provincia di Azuay¬†na Cuenca (sur) y na delegacion electoral di Guayas, Guayaquil (suroeste), e corant El¬†Comercio a informa.¬†Na Quito, varios Ecuatoriano a bay dilanti di CNE pa reclama un di dos buelta di voto.¬†Diamars mainta CNE a sigura cu ainda tabatin pendiente pa controla un 12,22% di acta.¬†Den e situacion aki a splica pakico e control ta poco poco, pero a bisa cu e proceso ta¬†cana cu transparencia. Nan a splica tambe cu mester conoce 100% di voto, pa asina por¬†haya sa si lo tin un di dos buelta of no‚ÄĚ.

Hopi critica a cay contra e organismo electoral, oposicion a lansa acusacion di fraude riba rednan social y ayera a suma na e protestanan e Comite Empresarial Ecuatoriano, cu a solicita pa pura cu e proceso di control di voto. E Comite a pidi tambe cu CNE mester duna e resultado, aunke esey por bay contra boluntad di gobierno ehecutivo. Lasso a sigura cu e asunto ta hole malo, esaki tocante anuncio di CNE di duna e resultado den 3 dia.

‚ÄúNo hunga cu boluntad di pueblo Ecuatoriano, a bisa(..) si ta hunga nos ta bay riba caya y¬†nan mester asumi nan responsabilidad‚ÄĚ Jaime Nebot, alcalde di Guayaquil a bisa cu¬†mester evita posibilidad di un fraude y asina mes a anuncia un mobilisacion pa defende¬†democracia riba caya.¬†Lenin Moreno a bisa cu e ta e vencedor di proceso di eleccion general di diadomingo,¬†aunke el a laga cla cu si cu e no ta completa e cantidad di voto cu e mester pa gana den¬†prome buelta, anto e ta cla pa bay un di dos buelta hunto cu Lasso.¬†Moreno a recorda cu e tin un bentaha di dies dos punto riba Lasso, cu ta nifica mas di un¬†miyon di voto, pero a reconoce tambe cu e no a haya ainda e cantidad cu e mester pa gana¬†den prome buelta.

E conteo di voto ta core tambe pa conoce e formacion di Asamblea Nacional y eleccion¬†di cinco representante di Parlamento Andino.¬†Presidente Correa a bisa cu movimento oficialista Alianza Pais a logra mayoria absoluto¬†den Asamblea Nacional cu 75 di 137 legisladornan.¬†Correa a opina tambe tocante resultado di e consulta, relaciona cu prohibicion di hende¬†cu posicion publico, pa por tin cuenta of propiedad den lugar considera paraiso fiscal. ‚ÄúE¬†‚ÄėSI‚Äô a gana den e consulta pa prohibi paraiso fiscal. Esaki ta un berdadero lucha contra¬†corupcion‚ÄĚ Correa a skirbi riba Twitter.

Cu un 43, 76% cu a ser controla, CNE ta bisa riba su pagina web cu e opcion di ‚ÄúSI‚ÄĚ tin¬†53,80 %, y opcion ‚ÄúNo‚ÄĚ a logra 46,20 %, den e consulta popular.