Paraguay: Miles di persona evacua, caos di vehiculo y ceramento di scol pa inundacionnan

E tormenta intenso cu a afecta full e pais a genera inundacionnan y a provoca hopi dañonan, ademas di e salida di riunan na varios ciudad, e diario ABC Color a informa.

Un total di 197 scol mester a cera nan portanan pa via di e yobidanan y crecemento di riu Paraguay, cu a provoca na ultimo siglo y mey e pio inundacion di e pais Sur Americano.

Di acuerdo cu Prensa Latina, desde luna di maart ultimo casi 40 mil persona a ser evacua pa e salida di e riu Paraguay, cu ta na Brasil y ta atravesa e pais di nort pa sur.

Asuncion, San Lorenzo y Fernando di la Mora ta algun di e ciudadnan mas afecta. Na e capital, e transito a bira un caos pa motibo cu e caminda a ser blokia na mas di un punto.

E minister di Interior Juan Ernesto Villamayor, a bisa cu ciudadanonan mester mantene calmo y keda na luganan sigur, atendiendo e peligernan di circula durante un tempo.

“E Polis Nacional ta desplega cu tur su recursonan, mas cu tur na capital. Tin zona critico”, el a sostene.

Di su parti, como consecuencia di declaracion di estado di emergencia nacional, e actividadnan di cada dia y plaso procesal hudicial a ser suspendi diabierna pasa pa e Corte Supremo di Paraguay na e departamento di Ñeembucu.

E direccion di meteorologia a informa cu e riu Paraguay diabierna pasa tabatin un haltura di 8,6 meter, seis centimeter mas cu diahuebs, surpasando e nivel critico. E categoria di desaster a registra cu e lo por alcansa un haltura di 9,60 meter.

 

You May Also Like

Panama ta confisca cargamento de droga balora na 90 miyon dollar 

Autoridadnan di Panama diasabra pasa a captura un cargamento di droga, cu un balor ...

Uruguay a confirma presencia di petroleo na su teritorio

E empresa Mericano Schuepnach Energy a informa cu nan a habri un perforacion exploratorio ...

Cuba tin 2.153 persona di mas di 100 aña

Cuba tin como 11,2 miyon habitante, di cual 2.153 tin mas di cien aña. ...

Papa Francisco cu yamado na tur gobierno pa ricibi migrante

Papa Francisco a haci un yamado na tur hoben inmigrante, cu por keda afecta ...

Panamá: Presidente electo ta mantene reconocemento pa Guaidó

E recien electo presidente di Panama, Laurentino ‘Nito’ Cortizo, a sigura cu lo mantene ...

Refineria Isla a pone Thermal Cracker 1 (TC-1) den servicio

Ayera pa mas o menos 10.15 or di mainta a start e planta Thermal ...