Colombia: Den ultimo aña 15 mil menor di edad a ser recluta na frontera

Durante un audiencia publico na Congreso di Republica tocante reclutamento forsa di menor di edad pa gruponan arma, e partido di gobierno, Centro Democratico, a denuncia cu den ultimo aña al menos 15 mil mucha a sufri di e problema aki; segun cifra cu nan a bisa di tuma di Defensoria di Pueblo.

Margarita Restrepo representante di e Camara pa Antioquia a haci e denuncia, ken a probecha pa cuestiona cu e victimanan di e crimen aki a ricibi e beneficio segun loke ta stipula den Acuerdo di Paz. “No por ta cu awe nan ta den Congreso sin paga un dia di prizon”, el a referi pa e congresista di partido FARC.

“Awo e grupo politico, como un forma di dignificacion y respet pa su victima, mester pidi e renuncia di su congresistanan, y trece e otro persona cu lo reemplasa, pero cu nan no lo trece aki e victimario mes y actor di acto atroz como violacion, asesinato, aborto, conseho di guera y tur e demas crimen contra e menor di edad den e fila”, el a afirma.

Di su parti, e gobierno recientemente a anuncia cu e disidencia di FARC y ELN ta sigui recluta persona y mucha na e frontera pa amplia su filanan. Siman pasa autoridadnan a captura un pedofiel serial identifica como Geyner Guerrero Galván, cu tabata actua na Colombia, Venezuela, Mexico, y Argentina y ademas ta señala di facilita muchanan pa gruponan arma pa su reclusion.

El periodista Herbin Hoyos tambe a denuncia cu e disidencia extinto di guerrilla a sigui reclutando mucha. Di acuerdo cu investigacion, entre juni 2018 te e fecha, al menos 170 menor di edad a ser captura ilegalmente pa e frente primero, den e mando di alias ‘Gentil Duarte’.

 

You May Also Like

China lo entrega 900 miyon dollar Na Ecuador

(Infobae/LaRepublica) – Ecuador a obtene di China un credito di 900 miyon dollar, cu ...

Argentina: Segun economista, mercadonan ta desconfia cu e pais lo por paga su debe

Economista Ignacio Carballo ta considera cu e prima di risico di Argentina, cu diaranson ...

Corsou mester tin cuidou cu epidemia di sarampi na Venezuela

WILLEMSTAD – Venezuela no ta logrando controla e epidemia di sarampi. E medidanan actual no ...

Dos persona a muri pa via di ola di friu na Argentina

Dos homber a muri na Argentina pa motibo di un ola di friu cu ...

Cuba: Crisis petrolero ta cerca

Cuba tin un actual deficit di 20mil bari pa dia di petroleo, cu ta ...

Venezuela ta continua den protesta

Por lo pronto no ta yega un fin na e ola di protesta contra ...