Pareha real di bishita na nos isla

Prinses Laurentien y su casa Prins Constantijn di Hulanda, ta na Aruba pa un bishita priva. Fin di siman cu a pasa e pareha real a haci un bishita na nos prome minister Evelyn Wever-Croes (MEP).

E pareha a tuma e oportunidad pa haci un bishita pa cera conoci cu premier Wever-Croes y gobierno di Aruba, segun e comunicado ricibi di gobierno.

Durante di e encuentro, a intercambia di ideanan riba varios puntonan. Entre otro, e prome minister a splica con e gobierno actual a en contra gobernacion y cua ta e retonan di mas grandi cu gobierno a en contra den e ultimo cinco lunanan. E tema financiero, social, y enseñansa tambe ta puntonan cu a wordo treci dilanti. A enfoca riba e rol y bienestar di nos muchanan den enseñansa.

Tambe a elabora riba e plannan cu Aruba tin riba e terenonan di innovacion, ‘start ups’ y ‘entrepreneurship’, sabiendo cu Prins Constantijn ta un promotor di esaki. E Prins a ofrece su ayudo y asistencia, e comunicado ta sigui bisa.

Prinses Laurentien ya pa basta aña ta hopi envolvi cu Raad voor de Kinderen. Un conseho di muchanan den cual ta duna muchanan bos den desicionnan importante di gobierno hibando mes un pensamento cu nos tin na Aruba cu muchanan ta central. A yega na hopi palabracionnan hopi contundente con nos por traha hunto siguiendo padilanti.

Esaki tawata un reunion hopi importante cu por a cera conoci cu otro. E pareha a enfatisa cu nan ta encanta di ta na Aruba. Ta bisto cu e relacion entre Aruba y Reino ta bayendo den e bon direccion aunke ainda nos no ta na unda nos mester ta. Ainda tin hopi desconfiansa. Sinembargo, gobierno di Aruba ta trahando pa mehora esaki. Hunto nos ta logra”, prome minister Wever-Croes ta finalisa.

You May Also Like

acc van y ciclista (1).jpg

Dienstwagen ta dal ciclista na Sero Blanco

Dialuna merdia polis ta bay altura di supermercado Mooi Mooi situa na Sero Blanco. ...

Consul Filipino (2).JPG

Embahada Filipino na Mexico a bishita Aruba pa prome biaha

– Embahada Filipino na Mexico a bishita Aruba pa ofrece nan servicionan pa e ...

Minister Oduber: ‘Tur cos ta para na DIP pasobra e desaster ta grandi’

‘E desaster na DIP ta asina grandi cu gobierno no por midi ainda con ...

A3 20jun, NP, Jimmy’s Place.jpg

Maikel Kelly: Jimmy’s Place ta un bar pa tur hende

Segun Maikely Kelly kende hunto cu su casa ta propietario di Jimmy’s Place, e ...

Programa necesario pa evita cu cuido medico bira traumatico pa mucha

Den pasado, Bon Dia Aruba a entrevista Karolina Span tocante su amor pa obra ...