Parehanan LGBT mester haya derecho pa casa na Aruba?

Tur siman nos ta publica e resultadonan di un poll riba un ponencia hunto cu un splicacion neutral di e topico. Den e matrix bo por mira kico e partidonan politico participando den e eleccion 2017 ta vota. 


Despues di un debate fuerte, a yega recientemente na aprobacion den parlamento di e cambionan den nos Codigo Civil, cu tabata encera e reconocimento di e relacion di un pareha di persona di mesun sexo, den forma di registro oficial di esaki. Cu e aprobacion aki, esunnan cu ta pertenece na e gruponan internacionalmente conoci bao di LGBT (Lesbian, Gay, Bisexual y Transgender) a keda contento. Pero no completamente pasobra e meta final ta pa yega na reconoce e posibilidad di matrimonio civil pa pareha di mesun sexo, loke no tabata inclui den e cambionan cu a aproba.

* E partidonan aki no kier scoge

Lo ta logico cu den e actual campaña electoral esunnan cu ta apoya e posicion aki, lo sali en busca di e politiconan cu ta di acuerdo y ta dispuesto pa carga nan lucha hiba na e siguiente nivel, cu ta e logro di legalisa matrimonio civil pa pareha di mesun sexo. Di otro banda, esunnan cu ta opone e desaroyo aki, cu mayoria a base di filosofia religioso ta rechasa e posibilidad di reconoce e tipo di relacion aki, tampoco lo sinta keto y lo tuma e oportunidad di eleccion na september proximo, pa trata di convence partidonan politico cu nan punto di bista mester haya atencion y cu, dependiendo di e contesta, nan voto por bay pa esunnan cu ta apoya nan den e defensa di nan opinion. Pa e partidonan politico, esaki no ta bay ta un tema facil pa maneha. Durante e votacion den Staten riba e cambio di Codigo Civil cu a haci registracion di partnership di pareha di mesun sexo posibel, a sali na cla cu e division entre esunnan pro y contra ta core meymey di e dos partidonan grandi.

Ta improbabel cu a bin cambio den esey, loke ta dificulta tuma e siguiente paso, y sigur pa duna cara prome cu eleccion. Sin embargo, e ta un punto di debate cu ta bay mas leu cu e peso relativo di e comunidad LGBT mes. Mientras cu como grupo talbes e no ta representa un peso electoral asina grandi, esunnan cu tin un opinion apasiona pa cu e tema aki, na tur dos banda, ta inclui hopi ciudadano cu no ta pertenece na e grupo LGBT.

Di e manera aki, ta parce cu e tema, cu no a haya espacio den e prome debate di Camara di Comercio, no ta parce nos un tema cu lo por keda sin duna contesta ariba.

2LGBT (1).jpg

You May Also Like

Vota sabi hunto cu Bon Dia Aruba!

E siman aki Bon Dia Aruba ta cuminsa cu un campaña pa informa ciudadanonan ...

Dos parlamentario ta protesta paso ta uza eleccion como ‘mal’ pretexto

Ayera parlamento di Aruba a scoge su presidente y vice presidente nobo como cu ...

Falta debate durante prome ‘debate eleccion’ di KvK

E reglanan di e prome debate di eleccion organisa pa Camara di Comercio ayera ...

Presidente Conseho Electoral ta splica e proceso eleccion

22 di juni ta bira e ultimo dia cu por registra un partido politico ...

POR a hiba un campaña informativo y educativo basa riba contenido

Lider di POR, Otmar Oduber a mira un clausura di campaña fructifero den cuadro ...