Parlamentario di partido POR, Alan Howell a inicia e siman aki cu un tono hopi mas alegre. E tabatin un encuentro cu prensa dilanti sucursal di Belastingkantoor na San Nicolas, cual tabatin su portanan habri.
Siman pasa e tabatin un encuentro similar, pero e tono tabata diferente ya cu e momento ey el a vocifera na nomber di habitantenan di pariba di brug su preocupacion y disgusto pa lo cual tabata pasando, esta cu e oficina aki tabata habri dos biaha pa siman solamente, esta diahuebs y diabierna.
El a tuma contacto cu Minister di Finansa pa atende cu e situacion y expresa cu esaki ta algo inaceptabel. El a indica na e parlamentario cu lo haci su maximo esfuerso pasobra e tambe ta di opinion cu un tipo di servicio asina no ta aceptabel. Por a mira cu reaccion di minister Maduro tabata uno rapido ya cu dialuna a habri cu portanan di belastingkantoor na San Nicolas habri ofreciendo servicio na esunnan cu tin mester.
“Awe mi por bisa cu e hulpbestuurskantoor na San Nicolas, pa lo cual ta trata e parti di belastingkantoor ta habri bek pa pueblo, e servicio ta optimal bek, e servicio ta bay core normal, dialuna, diamars, diaranson, diahuebs y diabierna. Di akinan mi ta gradici Minister Xiomara Maduro pa scucha peticion di pueblo, pa scucha mi peticion como parlamentario cu ta esun cu ta e wowo, e nanishi y e stem di pueblo. Mission Accomplished”, Alan Howell a duna di conoce.
Comments are closed.