Alan Howell ta contento di por scucha y mira cu e expectativanan ta masha halto mes pa loke ta e hotel di 5 strea cu lo wordo construi na San Nicolas. E ta bisa cu specialmente e habitantenan di pariba di brug ta desea di ta na bida pa wak e hotel bira realidad.

Alan ta remarca cu dia cu e hotel en cuestion keda cla lo tin hopi hende cu awa na wowo y curpa tur na kippenvel di emocion. Un hotel 5 strea na San Nicolas lo trece un cambio grandi sigur den e desaroyo economico di pariba di brug. Cuponan di trabou lo wordo crea, taxistanan lo tin sigur motibo pa mobilisa pariba di brug, tiendanan y restaurantnan lo haya bida bek, lo tin oportunidad pa companianan existente y nobo establece pariba di nos isla y asina hopi mas.

“ Aruba keda pendiente pa e ground breaking cu lo tuma luga pronto marcando e inicio di e proyecto prestigioso aki”, Alan Howell a finalisa.

 

LEAVE A REPLY

Please enter your comment!
Please enter your name here