Como presidente di Comision di Companianan Estatal den Parlamento a pidi un reunion di comision cu AAA NV Aruba den su totalidad ta pasando den momentonan dificil y sigur esaki ta conta tambe pa nos companianan estatal y sigur den esaki e compania estatal cu mas a ser afecta ta AAA N.V. Y den esaki por a constata cu AAA NV a cuminsa un proceso pa reduci e cantidad di trahado.

Prome fase a ofrece un pakete boluntario unda cu 27 trahado a haci uso di esaki. Dialuna awo segun por a compronde ta cuminsa un di dos fase pa por reduci personal na AAA.NV. Den e fase aki por a compronde cu lo informa no menos cu 50 trahado cu debi na e reorganisacion den AAA NV nan funcion no ta existi mas y sea nan ta tuma un pakete boluntario cu lo ser ofreci, of tin di solicita pa otro funcion cu ta ser habri den e reorganisacion ekivalente na nan estudio y si no acepta e pakete of no ta bay aplica pa e posicion nobo, AAA NV lo en camina e caminda di corte pa por pidi nan ontslag. Ami sigur ta lamenta cu den momentonan di crisis y sigur unda cu gobierno di su parti ta haciendo lo maximo p’ asina menos hende posibel perde nan trabao y sigur den e proceso aki AAA NV tambe a haci uso di e loonsubsidie y asina mes ta en caminando e proceso pa kita un cantidad grandi di trahado unda na e momento aki ey fo no tin trabao.

A solicita via parlamento pa un reunion di comision

Den cuadro di transparencia mi persona como presidente di comision di companianan estatal den Parlamento hunto cu colega Setty Christiaans presidente di e comision di Parlamento di Turismo , a haci un peticion pa un reunion cu AAA.NV, pa nan por splica parlamento kico ta encera e reorganisacion aki di AAA NV y alabes pa parlamentarionan por hacinan preguntanan a base di locual gerencia trece dilanti.

Posicion di trahadonan

Ora ta trata di un reorganisacion y den e caso aki tin posicionnan cu no ta existi mas pero alabes ta habri posicionnan nobo. Y e pregunta ta cu si e persona cu su posicion no ta existi mas y cu den concepto di e AAA.NV unda cu e posicion nobo aki e persona no ta cualifica, esaki nifica cu lo mester bin cu trahado nobo mientras e meta di un reorganisacion ta pa reduci personal?Alabes na prome luga mester percura pa internamente yena e posicionnan nobo cu ta ser habri y sigur den e caso aki AAA NV tin e deber di por school om su hendenan unda cu por ocupa posicionnan nobo den e organisacion aki. Y sigur en berdad lo bay reduci pero lo drenta un cantidad nobo di trahadonan, mientras ta papia di crisis financiero.

Y den dado caso cu di e 50 hendenan cu lo ser atendi cu nan situacion entrante 21 di september tin espacio pa nan solicita pa e posicion habri, ki garantia tin cu nan lo haya esaki ,cu no ta un wega di laga nan solicita y despues no tumanan y asina automaticamente ta ser kita di trabao? Tin un grupo cu lo en camina e caminda di corte con lo atende cu esakinan, siendo cu vision di Gobierno di trata pa menos hende posibel perde trabao y sigur Aruba como accionista mayoritario kico ta e posicion p’ esaki?

Trahadonan ta ser representa?

Den bista cu e ultimo dianan tin asina tanto angustia den AAA N.V. y sigur mi ta spera cu nan representantenan por sali y bin afo y splicanan kico ta pasando y sigur mi ta spera di wak nan sostene e trahado cu semper a paga su contribucion cu nan sindicato, paso p’a mi ta imposibel di kere cu dos sindicato den AAA NV cu tanto experiencia den reorganisacion di companianan y sigur cu amplio conocemento unda cu si habri posicionnan nobo esakinan mester ser yena internamente prome. Sigur hopi biaha e posicion nobo nan aki ta nada mas cu uza otro bachi pa e mesun posicion existente y ta haci mal uso di oportunidad pa kita trahado. Y sigur ta imposibel cu si e posicion financiero di AAA.NV ta asina malo cu ta crea posicionnan nobo y cu si no tin hende pa ocupa esakinan lo mester bin persona nobo pa ocupa e akinan , pa mi sigur ta inaceptabel y mi no sa e posicion di e representantenan di trahadonan den AAA NV y ni di e accionista mayoritario cu lo acepta pa kita hende pero den mesun momento ta crea cupo di trabao nobo pa trahadonan nobo ta lago cu mester bisa cu mester bin un stop completo pa tuma trahado nobo.

Pa termina nos ta en espera di confirmacion di AAA.NV pa wak ki dianan lo por sinta cu comision estatal den Parlamento pa por duna un splicacion amplio riba e reorganisacion di AAA y sigura nan posicion financiero y sigur e futuro di e compania y su trahadonan.

 

LEAVE A REPLY

Please enter your comment!
Please enter your name here