Durante un conferencia di prensa cu a wordo publica Diabierna 22 di Januari 2021 riba pagina A19 di Bon dia Aruba bou di e titulo “Gabinete Wever Croes kier dicidi di reduci gastonan den cuido medico durante crisis” Candelaria tratando di hustifica e mentiranan flagrante cu Mike Eman a declara na Speed Andrade durante e entrevista cu Speed a tene cunele dilanti di Hospital y hasta engañosamente a purba di duna e mentiranan aki un base den un carta di 19 di Mei 2020 cu Staatssecretaris Knops a skirbi pa Tweede Kamer.

Robert Candelaria ripitiendo mentiranan flagrante di Mike Eman: Despues di a ripiti e mentiranan di Mike Eman, bisando den coro cu Mike “cu E tambe ta lamenta cu gobierno tawata pa bay corta den sector di cuido desde inicio y cu esaki NO ta Gobierno Hulandes a pidi pesey.”Y pa colmo Candelaria a trata di logra esaki, door di a saca for di su contexto for di e cartaaki di Knops e siguiente frase:

Candelaria ta dom! Op de Plank Liggen?: “Op de plank liggen”cu segun Candelaria ta nifica cu e plan ta existi caba, sin bisa cu Hulanda tawata kier meen cu e frase aki: “kostenverlagende maatregelen in de gezondheidszorg” cu Aruba ta obliga di implementa como conditio sine qua non pa Aruba haya liquiditeitssteun.

Candelaria a gaña te hasta riba Militair Knops:Candelaria a bay asina leu den su engaño bisando cu Knops a indica cu Gobierno di Aruba a laga PWC haci un investigacion y cu den e rapport ey ta papia di un reduccion di gasto di 5 miyon pa luna y cu ta aki na Aruba mes a inicia e proceso pa corta den gasto di AZV. Nada ta mas falso y engañoso y mentiroso cu e ponencia aki di Candelaria, cu segun e ta wordo papia di dje den e rapport di PWC. Con un Pastor por ta mentiroso? Imposibel segun Parlamentario Endy Croes.

Candelaria nunca por a lesa e rapport di AZV y a gaña atrobe: Si Candelaria a lesa e rapport aki di PWC, cu seguramente e no a haci, e por a lesa cu ningun caminda den e rapport aki ta wordo papia un reduccion di ningun gasto, ni di Awg 5 miyon, corda di Awg 5 miyon pa luna. Nos a lesa e rapport aki di PWC fecha 20 di November 2019 titula “ Doorlichting kostenontwikkeling AZV” cu e subtitulo “Een onderzoek naar de ontwikkeling van de toekomstige financiële situatie van de AZV en mogelijke risico’s.” E onderzoek aki a wordo haci “in opdracht van het Uitvoeringsorgaan Algemene Ziektekosten Verzekering (Aruba)” y pues NO door di Gobierno di Aruba, manera Candelaria tambe a gaña den su Rueda di Prensa. Nos ta reta Candelaria pa indica nos riba cua di e 44 paginanan di cual e rapport aki ta consisti ta wordo papia di e reduccion di gasto di Awg 5 miyon pa luna. Ta un berguensa cu un Parlamentario studia y educa manera Candelaria ta busca refugio den un rapport cu e no a lesa pa trata di duna e mentiranan di Mike Eman balor y un base intellectual. Nos ta dispuesto pa duna Candelaria un copia di e rapport aki pa e por lesele prome cu e bolbe haci mencion falso riba contenido di un rapport cu e no a lesa. Sr Watty Vos q.e.p.d., un gran ex-Ministro y Ex-Parlamentaio di AVP a yega di bisa: “Miho bo cera bo boca y nan kere cu bo ta bobo y cu bo no sa di kico bo ta papia, cu bo habri bo boca y wordo confirma cu realmente bo ta un bobo. Croes ta termina bisando na Candelaria cu Mentiranan sin base ta igual cu Fierno!

LEAVE A REPLY

Please enter your comment!
Please enter your name here