Parlamentario Endy Croes ta amplia riba e Reunion Publico cual a tuma luga 15 di October al respecto e tema di spear fishers. Manera ta conoci esaki tabata di 4 reunion den ultimo 4 simannan riba e topico aki. Dia 1 di October a pasa un mocion instruyendo (3) Ministers pa regla esaki y bin cu un gedoogbeleid den 10 dia di trabou. Den e Pandemia aki esaki ta un necesidad y mester percura pa pueblo por busca su alimentacion sin prohibicion.

A traha riba (3) voor ontwerp:

Minister Andin Bikker bou di kende por cierto DWJZ ta cay a duna un splicacion bastante amplio con intensivo nan ta trahando riba e conceptonan aki pa haci esaki posibel. A traha (3) voorontwerp basa riba Natuur beschermings verordening , otro basa riba e visserijbesluit y finalmente manera Minister a yam’e un consensus Landsbesluit. Den tur 3 a sali for di e punto di bista pa enbes di un (Absoluut Verbod) lo bay tin un tipo di vergunnings stelsel pa reglamenta esaki y haci esaki e ora posibel pa por tira cu un onderwaterjacht middel. Ademas a tene cuenta cu consehonan di DNA, commissie Flora y Fauna basa riba art 2 di Natuur beschermings verordening y un conseho adicional di 7 di October 2020 di Flora y Fauna. Den e ultimo conseho di 7 di october a bini cu diferente sugerencianan cual a wordo incorpora den e concepto final.

Nota di Gedoog Beleid di Tweede Kamer:

Na Hulanda tambe ta usual cu ta usa un maneho di tolerancia esta un gedoog beleid den diferente forma. Ora ta conoci cu ta bay tin un vergunnings stelsel esta un begunstigings regeling ( manera e caso actual di spearfishing) anticipando riba un vergunning den practica ta aplica un maneho di tolerancia. Pues no ta nada nobo ni tampoco ta algo cu Minister, Parlamento of Aruba ta inventando. Den Tweede Kamer tin un nota data 5 di november 1996 # 25085 hopi amplio y detaya con Hulanda ta ehecuta gedoog beleid esta maneho di tolerancia.

Jurespundencia ta ilustra cu momento bo tin bista riba legalisacion como ehempel den e caso aki lo bin cu cambio den ley ( wetwijziging) y alaves lo bin cu un vergunningstelsel e ora Bo por desvia di e “beginselsplicht di handhaving”. E mesun pensamento aki lo wordo aplica na Aruba pa cu e caso di spearfishing anticipando e cambio(nan) den ley pa haci esaki posibel pa nos hendenan por bay lama tira nan pisca sin mester tin temor cu nan harpun y pisca lo wordo kita for di nan. Parlamentario Endy Croes ta enfatisa cu nos ta den un Pandemia y nos tarea ta pa yuda pueblo yega na nan cuminda y esaki ta un di e maneranan pa yuda un grupo den comunidad.

Minister Chris Romero a splica con pa aplica:

Minister Chris Romero a splica cu e siman entrante lo tene un conferencia di prensa pa splica exactamente kico esunnan cu kier aplica pa un permiso pa spearfishing mester haci pa por logra esaki. Desde e siman entrante por cuminsa aplica.

Un persona mester tin minimo 18 aña ( mescos vuurwapenbesluit),mester tin conocemento pa uso responsabel di un speargun, maximo 2 speargun pa aplicante y por haci esaki den zonanan designa. Lo bin un registro y asina Minister Romero na final mediante DLVV lo duna e gedoogbeschikking na cada persona cu solicita pa por tira pisca muy pronto sin ningun problema. Spearfishers a logra nan obhetivo y hunto a logra un solucion. Penado no ta pena pa semper!

I

LEAVE A REPLY

Please enter your comment!
Please enter your name here