Parlamentario Endy Croes ta pidi pa investiga director di hospital

ORANJESTAD – Parlamentario Endy Croes (MEP) a trece su preocupacion ya cu a base di diferente investigacion, el a denuncia cu director di hospital ta malgasta placa di e instituto aki, locual ta demanda un investigacion.

E sa cu gobierno ta bezig tambe cu e situacion aki, pero e ta bay pidi personalmente na minister di salubridad publico pa duna prioridad na e asunto aki. Croes a bisa cu e ta kere cu a yega tempo pa sinta cu e mandatario di salud por atende e situacion aki, ya cu nan a wordo poni den e funcion aki pa trece mehoracion y drecha loke mester wordo drecha, pa pueblo beneficia di dje.

E ta haya cu ta dificil pa bin cu cambionan si den hospital tin un director cu ta bin ta mal gasta placa. Locual Croes a bin trece dilanti ta malgastamento di placa den operacion di hospital, apart cu e hospital ya caba a costa hopi placa den su renobacion y expansion.

El a denuncia cu recientemente, director di Horacio Oduber Hospital (HOH) a tuma un decision pa aloca 300 mil florin pa bin cu curso pa e staf di maneho, caminda e mesun curso aki a wordo duna na e grupo aki caba. E no sa cual tabata e pura di e director di hospital pa bin cu un curso aki pa e gerencia, cu ya caba a yega di haya un tipo di curso asina.

Tambe a base di su investigacion, el a bisa cu director di hospital a contrata un ‘amigo’, kende ta cobra 200 mil na servicio di conseho, mientras cu hospital mes ta yen di problema. Hospital tin cu paga 140 mil florin na edificionan bisiña pa por warda ekiponan durante e periodo di construccion di expansion y mehoracion di nan edificio mes.

Tambe el a denuncia cu nan a pidi cantidad di producto cu urgencia pa nan por traha den e laboratorio di HOH. A wordo pidi un cantidad di producto pa e laboratorio, sin consulta cu otro, caminda cantidad di e productonan aki a caduca, mirando cu nos ta un isla chikito. Hasta potret e tin di e tipo di denuncia aki, ya cu na luna di april mester a benta casi 400 mil florin afo di productonan cu a caduca. Mientras cu e mesun laboratorio ta ‘sangrando,’ ya cu nan no tin material pa haci test cu otro hende, segun Croes.

Igualmente el a laga sa cu no por bin cu cambio si tin un director den e momento aki. P’esey e ta reta e director di hospital, Cilié pa nenga loke el a trece dilanti.

E parlamentario a declara cu nan lo pidi minister Dangui Oduber pa bin cu accionnan fuerte contra director, y bin cu cambio den e directiva tambe. Pero tambe pa wak si e hunta di supervision (Raad van Toezicht) ta na haltura cu e director ta aprobando e tipo di gastonan aki. Nan fraccion lo pidi pa bin cu cambio den structura di hospital den su totalidad, ya cu e ta hinca den un forma cu minister tin minoria, y e no por bisa mucho.

E parlamentario menciona a trece dilanti e tipo di denuncia aki pa cuminsa un debate, y si nan mester bin cu un encuesta parlamentario, ta posibel tambe.

 

You May Also Like

5 barco a trece mas cu 10 mil turista riba 1 solo dia

Ayera Aruba a ricibi 5 crucero cu a trece mas o menos 10 pa ...

bubali plas rosamento.jpg

Hues: Compania RBM no ta admisibel den caso Bubali Plas

RBM Estates a perde e caso contra gobierno y Aruba Birdlife Conservation (ABC) pa ...

Vitrina turistico (1).jpg

Nos poblacion mester compronde importancia di un Aruba sigur y limpi

Ayera operadornan y socionan turistico di Latino America presente den CATA 2016 a participa ...

Fecha (2).JPG

Fecha di vencemento di producto ta keda un desafio

Directora di departamento di Higiena, Yvette Geerman ta bisa Bon Dia Aruba cu e ...

la rumbera buskeda 2.jpg

La Rumbera rescata finalmente, tur persona sano y salvo

MRCC Cartagena a confirma entre 3 pa 4 or diadomingo atardi cu La Rumbera ...