Pa lider di fraccion di oposicion Marlon Sneek (AVP), asunto di bin cu cambio den regla di ordo pa atende cu absentismo parlamentario no ta e punto.

A pesar di critica cu por tin cu miembronan di parlamento no ta atende reunion, el a bisa cu ora bo ta papia di absentismo parlamentario, esaki kiermen cu parlamentario no ta bin traha. Esey e kier bisa cu no ta berdad. Parlamentario Sneek a indica cu ta simpel pa verifica esaki, ya cu den cada reunion publico tin un lista di presencia. Y riba e lista ey bo por sa exactamente ken tabat’ey y ken no tabat’ey.

Pero si locual nan ta mira cu por bira un molester pa loke ta e fraccion (nan) di gobierno ta e formacion di quorum pa bin cu reunion. E ta haya cu esun cu ta forma parti di e fraccion (nan) di gobierno mester zorg pa forma quorum. Mientras cu nan como parlamentario lo t’ey pa atende nan reunion publico; y tambe pa hiba debate.

Pero el a aclaria cu e formacion di quorum ta keda tradicionalmente pa e fraccion (nan) di gobierno cu ta esun cu mester forma quorum. E cos aki no ta solamente na Aruba, sino cu e ta mescos na Corsou y St. Maarten, el a bisa. E no ta kere cu esaki mester wordo tuma como un absentismo politico.

Encuanto e idea di cambio cu nan kier bin cune riba regla di ordo di Parlamento, e no sa mucho di dje. Pasobra nan mes no a haya nada oficial ainda riba cualkier cambio tocante absentismo parlamentario.

LEAVE A REPLY

Please enter your comment!
Please enter your name here