Parlamentario Rocco Tjon (MEP): Minister Ruiz-Maduro lo firma pa Aruba haya 13 miyon euro di OCTA

ORANJESTAD – Aruba ta miembro di Association of Overseas Countries and Territories (OCTA). OCTA ta financia pa mas di 80% pa Union Europeo, y tin 22 pais miembro.

Biahe pa Tahiti, Polynesia Frances
Actualmente Polynesia Frances ta presidente di OCTA y p’esey e delegacion parlamentario di Aruba a biaha pa Tahiti. Union Europeo ta cubri e gastonan (airline, hotel, etc.) pa 3 delegado di tur pais miembro. Delegacion di Aruba ta consisti di 3 delegado, esaki coherente cu e maneho di Gabinete Wever-Croes pa sigui rebaha gasto. Gobierno anterior tabata atende e mesun reunionnan aki cu hopi mas delegado.

Firma pa haya 13 miyon euro
Diabierna awor na Tahiti, Minister Xiomara Ruiz-Maduro lo firma, hunto cu e EU Commissioner, pa Aruba haya 13 miyon euro destina na un facultad nobo na Universidad di Aruba. E facultad lo enfoca ariba STEM: Science, Technology, Energy, Mathematics.

Maneho gabinete Wever-Croes
E maneho responsabel di nos prome minister sra. Evelyn Wever Croes ta di restablece confiansa den Aruba como pais. E proximo periodo 2021-2027 Aruba lo ricibi atrobe un suma equivalente, adicional den cuadro di innovacion y stimula economia atraves di brinda oportunidad na empresario, pronto un programa di financiamento pa “underserved entrepreneurs”, via European Investment Bank” lo wordo cristalisa.

Maneho di Wever-Croes vs Eman
E diferencia cardinal entre e maneho di Gabinete Wever-Croes y liderazgo di sra. Evelyn Wever Croes, si compara esaki cu gobierno anterior ta lo siguiente. Mike Eman tabata biaha sin bin cu resultado concreto na beneficio di pais Aruba. Y adicional e tabata paga pa organisacionnan manera TNO establece nan mes akinan.

Sra. Evelyn Wever Croes al contrario su maneho ta pa biahenan, cu mester wordo haci, culmina den resultadonan concreto na bienestar di pais Aruba. Den e caso aki fondo di 13 miyon euro pa realisa un facultad nobo na Universidad di Aruba. Nos ta desea Minister Xiomara Ruiz-Maduro tur clase di exito na Tahiti.

 

You May Also Like

‘Tres solucion pa mehora educacion’

Aruba ta un di e paisnan cu ta sobresali den e cantidad di mucha ...

PPA: ‘Man pisa bahando riba Gab. Mike Eman poco poco pero sigur’

E investigacion rond di ministro Paul Croes ta birando mas y mas cayente mientras ...

Caso di partido PDR den corte 13 di juni

E caso di e directiva nobo contra e lider di PDR y otro afiliadonan ...

Cartanan di persecucion politico a bolbe wordo parti den fin di siman

E persecucion politico di Gabinete Wever Croes a continua den fin di siman caminda ...

Parlamentario Sue-Ann Ras(MEP): ‘Dos documento tocante siguridad na scol y e maestronan ta exclui’

ORANJESTAD – Parlamentario Sue-Ann Ras ta subraya cu den e gobernacion anterior tabatin un ...