(AP) – Ghana su parlamento a aproba un proposicion anti-LGBTQ sumamente controversial riba diaranson cu por manda hende prizon pa mas di un decada.
E proposicion aki a keda introduci na parlamento 3 aña atras y ta criminalisa miembronan di e comunidad aki, ademas di e hende cu ta sostene esaki, incluyendo promocion y provee fondo pa actividadnan relaciona, ademas di publicamente demostra afecto na otro.
Papiando cu reporteronan despues cu e proposicion a keda aproba, un di su sponsornan, legislador Sam George, a bisa cu e ta sinti alivia. “Mi ta sinti cu un peso a ser kita for di mi lomba,” el a comenta. E proposicion awo ta riba mesa di presidente pa keda firma y converti den ley.
E ciudadano West Africano tabata considera generalmente respetuoso cu e derechonan humano compara cu otro paisnan Africano y e proposicion a trece critica y condena entre e comunidad internacional y gruponan cu ta boga pa derechonan. Un coalicion di activistanan di derechonan humano a bisa cu e ley aki ta den violacion di derechonan humano fundamental. “E proposicion aki ta busca manera di manda riba, entre otro, e derecho pa dignidad, e derecho di libertad di expresion, libertad di asociacion, libertad pa participa den procesonan, libertad academico, igualdad y no discriminacion,’ e grupo a bisa den un declaracion.
Sponsornan di e proposicion a defende esaki bisando cu e meta ta provee proteccion pa muchanan y hendenan cu ta victima di abuso.
Legisladornan cu a propone e proposicion a bisa cu nan a consulta lidernan religioso mientras cu a crea esaki. Entre esunnan bogando pa esaki ta e Conseho Cristian di Ghana, e Obisponan Catolico di Ghana su conferencia Ghana Catholic Bishop’s Conference y e pais su ‘imam’ hefe.
