14355078_946019248838041_642510680108579640_n.jpg

23 sindicato cual ta ubica den 7 sede a inicia un paro general na Corsou diahuebs mainta. Entre otro, miembronan di sindicato ABVO, SAP , SEU, Horecaf, UGTK/CADMU, STU,  SITEK, NAPB a uni cabes pa e paro general aki. Esaki ta trece cune cu awor tin hopi problema cu scol, polis y duana entre otro pa ofrece 100% di nan servicio. Comentarionan riba Facebook di ciudadanonan preocupa ta entre otro cu no tin scol, no tin coriente y nan no sa ki ora por tin awa bek. ”Un pregunta nos tin: nos a corda riba e casnan di anciano cu no tin generator cu ni un fan nan no por sende?” Un ciudadano preocupa ta comenta riba rednan social enfatisando cu tin hende enfermo na cas cu mester corda riba dje.

 E efectonan a cuminsa wordo sinti caba na varios luga cu ta paralisa.

”Nos gobierno, sindicato y contratistanan mester soluciona e problema aki awe, e isla aki no por permiti e actonan aki mas.”

Tin algun grupo di polis tambe den welga. Tin dos caso den corte diahuebs mainta, uno tratando doño di contratistanan cu kier para e welga y pone trahadonan reanuda trabao anto e otro unda cu sindicatonan ta hiba gobierno corte pa bringa e ley cu ta stroba nan di tene accion. Minister di Husticia Nelson Navarro a bisa durante su discurso riba Tele Curacao cu na prome instante partidonan a yega hopi leu pero gobierno di Corsou ‘no tin ni arte ni parte den negociacion entre sindicato y refineria.” 

 

LEAVE A REPLY

Please enter your comment!
Please enter your name here