(AP) – No por nenga e impacto cu smartphone y tablet tin riba vehiculonan moberno. Si bo mira den casimente cualkier vehiculo nobo, bo lo haya un touchscreen of te hasta un gran cantidad di botonnan cu tin e meta di mehora e funcion di botonnan mecanico. E bunitesa ta obvio, Un cabina cu e elementonan aki di diseño cu ta mustra clasico y moderno. Sinembargo, tin algun contra cu no semper ta ser considera.

E personanan cu no a yega di experiencia un di e vehiculonan nobo aki te ainda no sa ki pa busca ora di evalua e tecnologia. Cu esaki den mente, expertonan di Edmunds a crea un lista di algun pro y algun contra na e touchscreen cu cierto vehiculonan tin, pa asina yuda cada persona individualmente determina si esaki ta algo di nan interes of no.

Menos boton ta resulta den mas pantaya

Mayoria persona ta prefera un pantaya grandi compara cu uno chikito. Esaki ta haci cu ora e fabricantenan di vehiculo ta kita botonnan for di e auto, esaki ta duna mas espacio pa nan por expande e pantaya, di mesun manera cu nos televisionnan of smartphone. Por ehempel, Lexus a introduci nan SUV, NX, den aña 2015. E modelo aki tabatin un pantaya di 7 inch den e centro. Menos di un decada despues, Lexus NX di aña 2022 por bini cu un touchscreen di 14 inch.

Algun modelo tin pantaya mucho mas grandi, manera e Mercedez-Benz EQS cual ta ofrece un bashboard cu ta completamente un pantaya, of tambe yama un ‘Hyperscreen.” Pantayanan grandi ta mas legibel, nan ta provee botonnan ‘touch’ cu ta mas facil pa interactua cune y ta haci cu e ta mas facil pa mira of lesa un mapa.

Sinembargo, esaki ta un probablidad mas grandi di distraccion

Cu un pantaya, e chaufeur mester kita nan mirada for di caminda pa nan por ehecuta mayoria tarea of haci uso di mayoria funcion id e auto. Un tarea simpel manera scoge un cantica riba Spotify, ta bira un tarea unda cu e chauffeur mester kita su mirada for di e caminda pa un averahe di hasta 20 seconde, segun un estudio conduci den aña 2020 pa IAM RoadsSmart. Pa duna perspectiva, National Highway Traffic Safety Administration su guianan ta recomenda pa “e diseña e dispositivonan di manera cu e chauffeur por completa tareanan mientras nan ta stuur sin tin cu kita nan mirada for di caminda pa mas di 2 seconde.”

E estudio tambe a conclui cu e impacto riba con lihe e chauffeur por reaccion ora di usa control via touchscreen, na contrario di control via bos, ta mucho mas pio cu ora ta manda mensahe mientras ta stuur.

Si bo stuur un auto pa suficiente tempo, bo lo sa unda tur cos ta di memoria. Pensa riba e boton manual pa controla volume, por ehempel. Bo por localisa esaki y haci uso di esaki sin cu bo mester kita bo mirando for di e caminda. Sinembargo, esaki rarabes por funciona cu un touchscreen pa motibo cu bo no por sinti un boton virtual.