Partido Liberal y Partido Social de Unidad Nacional (La ‘U’) den posible aliansa pa eleccion 2018

Bogota – E liberalnan y ‘la U’, manera e partido Social di Unidad Nacional ta conoci, a cuminsa haci esfuerso pa cambia rumbo di eleccion presidencial 2018.

E strategia nobo ta consisti di presenta un lista unifica di candidato pa Senado den eleccion di maart 2018, loke lo laga nan tambe den e mesun union pa e contienda presidencial cu ta sigui.

E reto nobo di e partidonan aki, cu di tur manera ta depende di e reforma politica pa inclui un articulo den e sentido aki, lo ta pa apodera di e mayoria di Senado, cu e tesis di e defensa di e proceso di paz (cu guerilla), y apoya e candidato ganador di e consulta den partido Liberal.

Esey tabata e proposito tambe di e presencia sorpresivo di e senadornan Roy Barreras y Armando Benedetti (di ‘la U’) den e Congreso Liberal diabierna pasa, unda nan a interveni pa propone abiertamente e aliansa ey.

Nos idea ta pa bay unifica cu liberalismo den un solo lista di candidato pa Senado cu por garantisa nos por lo menos 40 asiento.

Mi ta imagina un lista pa Congreso unda tur cu tabata di acuerdo cu e ‘Sí’ ta reuni: liberalnan, partido di ‘la U’, y si por tin otro partido mas cu tabata cu e ‘Sí’ den e plebiscito (di e acuerdo di paz), miho ainda”, Benedetti a bisa.

“Si nos gana eleccion di maart pa Senado cu mas di 40 asiento, esey practicamente lo defini resultado di eleccion presidencial,” Barreras a afirma.

Aunke cu e Congreso Liberal a aproba ken lo ta hefe di e partido, César Gaviria y e candidato ganador di e consulta, cu lo defini e tipo di coalicion, ta conoci cu tin conversacionnan avansa tocante e lista unifica.

Roy Barreras a bisa cu e tin un aña ta papia cu e actual lider di e liberalnan, César Gaviria, tocante e tema.

Ta comenta cu ta presidente Juan Manuel Santos esun cu tin e deseo cu e coalicion aki por inclui tambe e partido Cambio Radical, di ex-vicepresidente Germán Vargas Lleras, y cu a yama esaki caba e “ gran reunificacion liberal”, pasobra mayoria di nan ta bin di e cuna liberal.

Sin embargo, Jorge Enrique Vélez, presidente di Cambio Radical, a descarta cu su partido tin na bista pa participa den e coalicion aki cu e liberalnan y ‘la U’. “Nos tin nos propio plannan, nos ta bay elegi un gran cantidad di congresista den henter e pais,” el a sigura.

You May Also Like

Vice-presidente di Asamblea ta refugia den embahada di Chile

Freddy Guevara, vice-presidente d Asamblea Nacional,  a solicita proteccion den embahada di Chile, despues di menasa ...

Venezuela: Menasa den petroleo despues di candela di tanki

A raiz di e candela den tres tanki di almacena diluente na e upgrader ...

Tres aña sigui e Pais mas miserabel na mundo

Di acuerdo cu e mas reciente pronostico di e ‘Indice di Miseria’ (Misery index) di ...

Mandamento di placa pa yuda famia na Centroamerica a aumenta na 2017

(ElNuevoDiario) – Divisa gana den exterior ta continua como un di e ingresonan importante ...

Ex gerente di operacion InselAir deteni na St.Maarten

Polis na Sint Maarten a confirma ayera mainta, cu a detene Alanso Hassel, ex ...

OM: Polis lo detene sospechosonan den video viral

WILLEMSTAD – Durante weekend cu a pasa a aparece un bes mas via di ...