“Aruba a haya e Gobierno cu el a scoge”, asina Lider di MEP, Prome Minister di nos pais, Sra. Evelyn Wever-Croes a expresa den un conferencia di Prensa di Gobierno di Aruba diahuebs mainta despues di a anuncia cu formacion di Gabinete Wever-Croes II a keda cla.

Partido MEP ta felicita Gobierno Nobo cu Formacion di Gabinete Wever-Croes. Gabinete nobo tin 8 minister di cua 6 ta candidatonan di Partido MEP y 2 di Partido RAIZ. E reparticion di carteranan y Ministernan cu lo ta encarga cu cada Ministerio tambe a wordo anuncia. Otro siman lo tuma luga e huramentacion di Ministernan. Partido Movimiento Electoral di Pueblo (MEP) ta felicita Gobierno di Aruba cu formacion y tambe cada candidato di partido MEP y RAIZ cu a wordo scogi pa bira Minister.

E nombracionnan ta como lo siguiente:

Sra. Evelyn Wever-Croes di Partido MEP: Asunto General, Innovacion, Organisacion Gubernamental, Infrastructura y Planificacion Teritorial y Prome-Minister.

Sr. Ursell Arends di Partido Raiz: Integridad, Naturalesa, Transporte y Cuido di Grandinan y Vice Prome Minister.

Sra. Xiomara Maduro di Partido MEP: Finanzas y Cultura y Segundo Vice Prome Minister.

Sr. Geoffrey Wever di Partido Raiz: Asunto Economico, Comunicacion y Desaroyo Sostenibel.
Sr. Rocco Tjon di Partido MEP: Husticia y Asuntonan Social.

Sr. Endy Croes di Partido MEP: Enseñansa y Deporte.

Sr. Glenbert Croes di Partido MEP: Labor, Integracion, Energia.

Sr. Dangui Oduber di Partido MEP: Salud Publico y Turismo.

Sr. Guillfred Besaril di Partido MEP: Minister Plenipotenciario na Hulanda.

Partido MEP ta orguyoso di e ekipo di personanan profesional di ambos partido MEP y RAIZ cu ta personanan capas y cualifica pa Goberna nos Pais durante e proximo 4 añanan. Pabien y Exito Gabinete Wever-Croes II!

LEAVE A REPLY

Please enter your comment!
Please enter your name here