“Partido Politico CURPA ta presenta Benjamin Francees como e homber di Deporte”

E tema di Deporte sigur lo bira un tema cu Aruba mester di dje pa e proximo añanan, pasobra haciendo Deporte cu ta sano lo Aruba lo tin un CURPA sano, y un CURPA sano lo trece mente sano cu lo beneficia nos pais. Deporte den un pais ta sumamente importante mirando tur e factornan cu por wordo siña dor di dje y e beneficionan cu ta bini cu ne. Deporte mester haci entrada den bida un ser humano na un edad basta jong, di mucha caba nos mester pone Deporte den bida di nos yiunan. Esaki sigur lo ta un gran yudansa den su futuro, dicon?

Pasobra Deporte ta yuda hende den nan caracter. E beneficionan di Deporte den un comunidad ta enorme. Den deporte tin dos tipo, uno cu ta competitivo y otro ta recreativo. Manera e nomber mes ta bisa uno ta pa competi y saca premio y e otro ta pa un hende recrea su mes, pa e ta sinti contento cu su mes. Den deportenan cu ta manera Futbol, Baseball, Softball, Volleyball, Atletismo, Landamento, y hopi mas tin e factor cu esun cu hacie miho ta ricibi e premio cu ta duna un sentimento dushi pa represalia den dje. Den e Sport Recreativo hende ta haya e satisfaccion cu nan ta contento cu nan mes, p.e. Canamento atardi na Linear Park, bay un gym local pa ehercita e curpa pa asina e mustra den un miho forma, y mas. E partido Politico CURPA (Christiannan Uni Reforsando e Potencial di Aruba) a trece sr. Benjamin Francees specialmente pa traha riba e Deporte pa pais Aruba.

Mirando cu sr. Francees ta un persona hopi dedica na Deporte y vooral den e hubentud. Sr. Francees durante e ultimo 10 aña nan a dedica hopi tempo na Deporte y a duna hopi bon resultado tambe.

Hopi mayornan ta contento cu e liderazgo di Sr. Francees pasobra e yiunan a progresa sanamente y tin cosnan sano pa haci. Den e ramo di baseball sigur Aruba a conoce un mehoracion den e ultimo 10 añanan y sigur Sr. David Luis Benjamin Francees ta un motor den e desaroyo aki. Den combersacionnan cu Partido CURPA a haci cu Sr. Francees por a ripara cu e amor, pasion y respet pa e Deporte ta grandisimo, y sigur esaki lo ta e exito tambe pa pais Aruba ora cu Aruba deposita su confiansa den un persona manera Sr. Francees. E determinacion di Sr. Francees ta algo visibel, trabao ya desplega den e ramo di Deporte ta notabel, y partido CURPA tin e pleno confiansa cu Sr. Francees ta e homber di Deporte pa e proximo aña nan. Den e proximo gobernacion cu Deporte lo bira un capitulo sumamente importante pa pais Aruba, unda nos lo bay pone hopi enfasis pa yuda e pais aki.