(NLTimes) – Pashentnan di cancer y dermatologonan a uni pa urgi gym y centronan di fitness pa deshaci di nan “tanning bed” AD a reporta. E nocion cu un color di cuero tonifica ta indicacion di bon salud ta falso, nan a bisa. “Tanning” ta causa daño na e celulanan di e cuero, y den e pio di e casonan e ta causa cancer.

“E ta hopi contradictorio pa gym ofrece ‘tanning bed’,” Jos de Groot a bisa, ken ta forma parti di e Integral Cancer Center Netherlands (IKNL). El a senala e gymnan cu ta promociona nan mes como luga pa practica estilo di bida saludabel, pero ta haci uso di ‘tanning bed’ cual ta conoci pa causa cancer.

Dermatologonan a describi cancer di cuero como n epidemia. Den aña 2018, Hulanda a keda na luga number 5 den e lista di e averahenan mas halto di melanoma haci pa World Cancer Research Fund. Mita di tur e pashentnan di cancer den e pais tin cancer di cuero.

E iniciativa pa deshaci di “tanning bed” rond di mundo no ta nobo. Francia a prohibi menornan di edad di usa e camanan aki den aña 1997. Brazil tambe a prohibi e uso di e camanan aki pa motibonan cosmetico den aña 2002. Despues di casi un decada di campanja, Australia tambe a prohibi uso di “tanning bed” comercial den aña 2015.

Actualmente tin 400 salon pa “tanning” operando na Hulanda.

LEAVE A REPLY

Please enter your comment!
Please enter your name here