Pebetero ta cende na ASU Olimpiada 2017

E di 61 aniversario di ASU Olimpiada a inicia diadomingo ultimo den e Centro Deportivo Betico Croes na Sta Cruz. Miembronan di e directiva di ASU, hunto cu e invitadonan den presencia di e demas federacionnan y nan atletanan tabata presente na e ceremonia di apertura.

Presidente di ASU, Sr. Gerald Franca a hiba palabra na e bunita ocasion aki unda e la recorda e 61 aña cu Aruba Sport Unie ta contribui na e formacion di nos mucha y hobennan pa nan bira un bon cuidadano, tur esaki atrabes di deporte. Nos por mira un gran cantidad di federacionnan deportivo cu nan bandera y/of banner a participa na e ceremonia di apertura. E desfile tabata colorido unda varios atletanan a duna un presentacion chikitona e publico presente. E tres medayistanan di e Weganan Suramericano Hubenil Santiago 2017, esta e landador Keeley Maduro cu a gana Brons, e judoka Sophia Petrocchi cu e gana Plata y su ruman e taekwondista Chiara Petrocchi cu e gana Oro a haya e honor pa cende e pebetero y asina inaugura oficialmente e ASU Olimpiada 2017.

Un danki sigur na Lotto, e Loteria di Aruba pa medio di Comision di Subsidio ta yuda subisdia e ASU Olimpiada 2017. Lotto kier a desea tur e atleta, dirigente, coach como tambe e federacionnan deportivo tur clase di exito durante di e ASU Olimpiada 2017.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

You May Also Like

Despues di 7 aña campeon Aruba a perde titulo

ORANEJSTAD – Diasabra ultimo a tuma luga e di 8 TK5 na Surinam , aki ...

Resultado di atletanan cu a competi den IFCA Grand Prix

Recientemente a competi e atletanan Malik Hoveling y Melvin van der Linde di Aruba ...

Bon acogida pa prome torneo Alvin A. Howell di ahedrez

ORANJESTAD – Recientemente a tuma luga e prome “Torneo Alvin A. Howell” di Ahedrez ...

Di-Estefano Wernet di bishita na campeonato di Taekwondo

Di–Estefano Wernet di Lotto pa Deporte a bishita e ultimo campeonato di Taekwondo pa aña 2017. Director di Lotto pa Deporte sr. Di–Estefano Wernet a bishita  e ultimo campeonato di Taekwondo pa  aña ...

RCA “Big Wheel Lottery powered by Powerade” ta habri play-off vs Nacional

Soldatnan Tricolor lo ranca sali diasabra pa 8or di anochi den Centro Deportivo Guillermo ...

Alemania ta defende campaña pa helm di bicicleta yama ‘sexista’

BERLIN (AP) — Ministerio di Transporte Aleman ta bisa cu nan ta defende un ...