Diamars anochi un taxi a dal tras di un otro auto dilanti talk of town cu consecuencia un persona a resulta levemente herida. Patruya di trafico y roadservicenan a presenta na e sitio di biaha. A constata cu e chauffeur di e hyundai taxi a dal tras di e toyota rav4. Segun e taxista e rav4 a brake pa un auto su dilanti, pero e tambe a brake pero su auto a sigui bay dilanti y dal den e bahul di e tav4. Daño material tabata minimo, y personal di ambulance a atende cu un señora cu tabata keha di dolornan na curpa.
