Diabierna mainta un señora a keda sorprendi pa un homber desconoci pe arma ta atrak’e pidiendo e pa su pertenencianan. E homber arma despues di a haci su actonan di atraco riba e señora na un apartament na Montaña a core bandona e sitio. E señora tur spanta den su apartament a core bay na warda di polis Shaba pidiendo ayudo. Patruyanan di Noord, Recherche a yega basta lihe na e sitio pa busca informacion na e apartament y asina start un investigacion inmediatamente.
Segun informacion di Cuerpo Policial: E persona a wordo sorprende pa tres hende homber cual un di nan ta nacionalidad latino cu un arma di candela. Nan no tabata tin cara tapa. Dos di e tres hombernan aki a bay paden cu e dama y pidi’e pa placa. Nan a bay cu placa, hoyas y un paar di articulo for di e apartament. Nan lo mester a huy den un vehiculo color blanco. Ken cu por a wak algo por yama e tipline na 11141
