Parlamento diaranson ultimo a pasa un mocion di desconfiansa contra 5 di e 6 ministernan den Conseho di Minister, banda di Minister Plenipotenciario y su ekivalente interino. Despues cu a instala un Presidente di Parlamento nobo, a duna e orden ademas pa Prome Minister y Minister di Husticia baha di nan funcion ‘inmediatamente’.
A pasa e mocion contra Romeo-Marlin, De Weever, Wycliffe Smith, Perry Geerlings, Stuart Johnson, Jorien Wuite y Michael Somersall. Minister di Infrastructura, Medio Ambiente y Desaroyo Teritorial Cristopher Wever no a cay bou e mocion y lo por sigui eherce su funcion.
E mocion a condena e decision di e mayoria di Conseho di Minister pa haci uzo di articulo 59 di e constitucion pa asina pidi pa eleccion nobo. A duna instruccion ademas pa no nombra ni kita ningun director di companianan estatal, ni pa cera contract cu tercer partidonan, nombra cualkier director den departamento of pa yena aparato gubernamental cu mas empleado. Esaki a bay den direccion di e Conseho di Minister cu lo actua temporalmente.
