FILE- In this Aug. 28, 2019, file photo, opera singer Placido Domingo performs during a concert in Szeged, Hungary. Domingo will make his first public appearance since recovering from coronavirus to accept a lifetime achievement award on Aug. 6 in Salzburg, Austria. (AP Photo/Laszlo Balogh, File)

Placido Domingo lo haci su prome presentacion publio desde cu a recupera di coronavirus pa acepta un premio di ‘lifetime achievement’ na Austria proximo siman.

E famoso tenor lo ricibi e honor dia 6 di augustus proximo na Salzburg pa e organisacion tras di e Premio Musica di Austria, den un ceremonia exclusivo pa invitadonan. E premio, selecciona pa un hurado di periodista, ta reconoce Domingo, di 79 aña di edad como ‘un di e miho actornan vocal y di e mas influyente den mundo’, bisando cu ‘el a set un standard internacional na e nivel di mas halto pa decadanan’.

Domingo, kende a ricibi tratamento pa coronavirus na Mexico, lo continua cu presentacionnan e berano aki na Caserta, cerca di Naples, y dia 22 di augustus na e Arena di Verona na nort Italia, unda tambe e lo canta un concierto dia 28 di augustus y conduci dia 29 di augustus.

Hasta prome cu e virus a cera casnan di opera na Merca, Domingo a mira su actividadnan ma Merca cancela despues di reportenan di AP ultimo berano, detayando acusacionnan di acoso sexual of comportamento inapropia sexual pa mas di 20 muhe.

Domingo a rechasa tur acusacion, pero despues cu Gremio Mericano di Artista Musical y LA Opera a considera e acusacionnan di acoso sexual creibel, el a duna un disculpa y despues rapidamente a haci amienda den dje.

“Mi disculpa tabata sincero y di curason, na cualkier colega ken mi a laga sinti incomodo, of a causa daño di cualkier forma, pa cualkier cos cu mi a bisa of haci”, el a skirbi. “Pero mi sa kico mi no a haci, y mi lo rechasa esey atrobe. Mi nunca a comporta agresivamente contra niun hende, y mi nunca a haci nada pa obstrui of daña carera di niun hende.”

Mientras tanto, sitio di concierto na Europa a dun’e sosten, cu presentacionnan cancela unicamente pa motibo di e ciere forsa pa coronavirus. Desde cu a elimina lockdown na Europa, presentacionnan di musica clasico gradualmente a reanuda, y Domingo tambe tin un kalender yen, apenas algun luna despues di recupera di coronavirus.

Den un declaracion, Domingo a duna ricibi e noticianan di e premio special di Austrian Music Theater ‘cu gran placer’, notando cu ta coincidi cu e di 45 aniversario desde su debut na Salzburg.

E premio ‘lifetime award’ anteriormente a bay pa tenor Aleman, Rene Kollo; mezzo-soprano Mericano, Grace Bumbry; conductor Zubin Mehta; y tenor Mericano, Neil Shicoff. E Austrian Music Awards a ser funda na 2014.