Plan di expansion di aeropuertonan Rotterdam y Eindhoven interumpi temporal

ROTTERDAM — Un mayoria di parlamentarionan a bisa cu tin un interupcion temporal di e plannan di expansion di e aeropuertonan di Rotterdam y Eindhoven, pa motibo di molestia di boroto pa e localnan, Emisora NOS a bisa diamars ultimo.

Rotterdam Den Haag y Eindhoven aeropuerto kier crece mas pero D66 cu actualmente ya tin molester pa habitantenan. Nan kier un time-out segun parlamentario Jan Paternotte (D66). E plannan di crecemento mester wanta segun Bruins di CU. E habitantenan den e area mester keda central segun Bruins. Den regio no tin sosten pa crecemento. Mester wak prome si e aeropuertonan por ta mas limpi y keto. Segun Paternotte e aeropuertonan regional no tin un funcion economico importante. Ta bini solamente mas vuelo acerca pa destinacionnan existente. Nan no tin funcion tampoco pa Schiphol. Den acuerdo di gobernacion no tin palabracion riba crecemento di Rotterdam cu Eindhoven.

Minister Nieuwenhuizen kier un decision riba futuro di e aeropuertonan pa fin di aña. Den coalicion CDA tin comprension pa e opinion di e dos partidonan, nos ta positivo pa e time-out, segun Amhaouch di CDA. Partidonan di oposicion SP, Groenlinks, Pvda, PVD, 50Plus y SGP tambe ta sostene e time-out pa ampliacion di aeropuertonan regional aki. CDA kier haci excepcion si pa vuelonan di negoshi na Eindhoven, pasobra companianan di tecnologia avansa den region tin necesidad di esaki. Pero no pa vuelonan di placer. VVD ta asombra pasobra no tin peticionnan concreto pa ampliacion di e aeropuertonan aki segun Dijkstra. Ta mucho prematuro pa haci declaracionnan. Gabinete y parlamento ainda ta discutiendo e plannan di ampliacion di Lelystad Airport. Meta ta pa tuma vuelonan di vacacion di Schiphol cu ya ta alcansando su maximo. Den 2020 e ampliacion ta cla.

 

You May Also Like

Discurso di e Reina ainda ta duda den bishita di estado di Donald Trump

Den e discursco hiba pa e reina Britanico tabata tin algo cu claramente tabata ...

USA: Enfermero aresta pa violacion di muhe den coma

Un enfermero cu tabata suppose di cuida un muhe incapacita den un facilidad di ...

Temblor fuerte na Taiwan a basha edificionan abao

Un temblor fuerte di magnitut 6.4 a causa daño na algun edificio den ciudad ...

Minister plenipotenciario Besaril a honra baluartenan di 35 aña di Arubahuis

DEN HAAG  – Recientemente minister plenipotenciario Guillfred Besaril a honra tres baluarte di 35 ...

Presidente Trump den guera contra FBI

FBI ta e agencia central secreto cu nos solamente conoce for di peliculanan mayoria ...