ETTEN-LEUR—Recientemente un agente policial a tira un homber fatalmente na Etten-Leur cu a menasa nan cu hacha.
Ta trata di un habitante di 57 aña di e Ciudad. El a menasa diferente bisiña y agentenan policial tambe cu e hacha. Agentenan a haya un melding alrededor di 8’or mainta cu tabatin un homber poco confuso tabata cana rond cu un hacha den Muldersweg na Etten-Leur. E tabata acerca diferente persona den bario di manera agresivo. Ora polis a yega, el a menasa e agentenan y cana bay riba nan. Nan a los un tiro di advertencia. Ora cu e homber no a reacciona a los tironan riba dje. Helicopter di trauma y ambulance a yega na e sitio y a transporta e homber cu urgencia pa hospital. Aki el a bin fayece di su heridanan. El a keda alcansa na su parti ariba. Recherche a start un investigacion di e incidente fatal.
