Maneho laboral efectivo y eficaz, maneho energetico duradero y sostenible, integracion garantisa.

Cu inicio di e periodo di e gobernacion nobo, gobierno di Aruba ta dirigi su vision riba prosperidad sostenible, cu e meta pa ofrece e conciudadano un calidad di bida digno. E vision, meta y puntonan di salida ta dirigi di tal forma cu nan implementacion ta cuadra cu e metanan di

desaroyo sostenible ( Sustainable Development Goals; SDG). Pa loke ta trata labor, esaki lo mester cuadra cu normanan di ILO. Ministerio di Labor, Energia & Integracion (referi despues como Min LEI) ta responsable pa ehecucion di un maneho laboral efectivo y eficaz, un maneho

energetico duradero y sostenible, y un integracion garantisa.

Labor

Ta e tarea di Gobiemo pa unda ta necesario, ofrece proteccion garantisando un mercado laboral balanza, stimula oportunidad laboral, promove derecho laboral igual, independiente di sexo, rasa, origen o religion. Mediante leynan laboral regula y balanza, lo stimula un bon relacion entre empleado y dunador di trabao. Na mes momento lo percura pa un guia laboral general y transparente pa evita conflictonan laboral.

Pa realisa un maneho laboral efectivo e siguiente pasonan ta considera indispensable:

• Equipa, digitaliza y automatiza DAO y DPL.

• Introduci un `Ordenanza Nacional di Registracion Obligatorio’ cu lo ahusta e ley y LB actual cu ta regula mercado laboral y necesidad di personal.

• Cu implementacion di registracion obligatorio, por investiga e desaroyo y necesidadnan di mercado laboral.

• Actualiza y moderniza e maneho laboral vigente conforme e Codigo Civil cu recientemente a drenta na vigor.

• Actualiza y moderniza e leynan laboral y maneho di retiro, di acuerdo cu e condicionnan, y a base di resultado di investigacion haci den cuadro di e Landspakket y cu ta conta cu un base amplio den Dialogo Tripartite Social Laboral (DTSL).

• Enseñansa pa Empleo y Aruba kier Traha lo percura pa e recapacitacion di nos hendenan, pa por cumpli cu e demanda laboral y su necesidadnan.

• Pa loke ta e exigencia di “Landspakket” pa crea un sistema di seguridad social (sociale zekerheidsstelsel), aki tambe lo traha di cerca cu e programa Aruba Kier Traha.

• Den e maneho nobo di Integracion, lo combati e circuito di empleo iregular y ilegal.

• Lo formalisa DTSL conforme exigencia y delineacion di ILO.

• Lo percura pa salud y seguridad na pia di trabao cu introduccion di e ley di ARBO.

• Lo introduci un maneho laboral efectivo den cual to garantisa y proteha derechonan laboral. Lo introduci un organo multidisciplinario consistiendo di DAO, DIMAS, DPL, IASA y GNC pa efectua inspeccionnan pa sigura y promove cumplimento cu leynan.

Energia

E maneho riba tereno di energia ta enfoca riba durabilidad, sostenibilidad, accesibilidad y

calidad. Esaki ta contempla:

• Energia pagable, sostenible, duradero y limpi pa compania y hogarnan na Aruba.

• Reduccion di emision di CO2 cu 45% na aña 2030 pa un medio ambiente sostenible pa cumpli cu e meta di Nacionnan Uni pa combati efectonan di calentamento global cu 1.5° C.

• Logra cumpli cu e tratado di Paris pa aña 2050 unda Aruba tambe ta contribui na un medio ambiente sostenible “carbon neutral”.

• Cu e mehoracion di eficiencia den nos companianan di utilidad cu proyectonan manera RECIP4/SWRO3, lo logra reduci uso di combustible (HFO) pa produccion di electricidad di

3.679 Bbl/dia, na mas o menos 2.800 Bbl/dia. Y despues di logra un transicion di mas o menos

40% pa energia renobable, reduci e uso di combustible ainda mas te cu menos di 2.000Bbl/dia

pa 2030.

• Aumento di energia solar y di biento di 20% na 2020, pa 35% na 2024, cu un minimo di 50% pa 2030.

• Aumento di uso di verhiculo electrico pa 15% na 2030.

• Aumento di eficiencia di energia den residencianan y companianan cu 15% na 2030.

• Reduci nos dependencia y consumo di petroleo den un transicion pa energia altemativa solar y di biento, rumbo introduccion di energia hidrogeno.

E maneho nacional riba tereno energetico tin como meta diversifica fuentenan di energia. Na e

momentonan aki Aruba no ta dispone di gas natural. Pa por importa esaki den forma likido (LNG), mester inverti den un infrastructura di distribucion di gas cu mester ta cla promer cu 2024. E deliberacion entre WEB, RDA y un tercer compania ta hopi avanza, cu e intencion di

yega na un acuerdo promer cu fin di 2021.

Segun gobierno, introduccion di gas lo trece hopi beneficio pa Aruba: pa produccion di energia, pa refineria, riba tereno industrial y eventualmente hasta transporte automobilistico y casnan na Aruba.

E proyecto di un instalacion di gas LNG y LPG, lo haci cu Aruba por bira e hub pa almacena

dicho productonan den Caribe.

Pa loke ta trata Refineria, gobierno y RDA a inicia aña pasa cu e proceso pa busca inversionista y operador pa e refineria. Esfuerzonan lo continua den e cuadro aki. Pa loke ta e tereno y terminal portuario di refineria, ta intencion di gobiemo pa den cuadro di estimulo di economia pa y na San Nicolas, reactiva y opera e puerto y terminal aki comercial y industrialmente.

Pa logra implementacion di e maneho nacional di Energia, ta considera primordial realiza e siguiente puntonan:

• Institui e departamento di Asunto Energetico cu lo bira un instancia independiente encarga cu maneho y regulacion di e sector di energia.

• Actualiza y moderniza e ley y regulacion di energia y awa potable.

• Restructuracion di e structura actual di tarifanan como catalisador di e transicion energetico.

Maneho di admision, stranheria & integracion

Meta riba maneho di migracon y integracion ta pa yega na un poblacion integra cu ta traha

hunto pa hiba e Pais dilanti.

Pa logra esaki, e maneho di admision, stranheria y integracion mester ta eficiente y humano

pero principalmente controlable, manehable y transparente.

• Lo reactiva e comision di conseho “Adviescommissie Toelating en Uitzetting” (ATU).

Unda ta necesario, lo amplia su tarea y responsabilidadnan. Unda ta considera necesario, lo adapta art. 35 di LTU. Lo duna e comision e responsabilidad di conseho den casonan unda LTU no por brinda un respuesta.

• Conforme provisionnan nobo stipula den LTU, lo introduci un permiso valido pa multiple aña, bao condicionnan estricto. Si ta trata di permiso laboral y di estadia, esaki lo pasa conforme procedura stipula na DPL.

• Lo introduci e permiso “residency by investment”, pa un comerciante cu por demostra di lo haci un inversion substancial den nos economia pa e proximo 5 añanan. Suma di inversion ainda mester defini.

• Anticipando e cambionan den LTU, DIMAS mester bay back na otorgamento di un decision, sea permiso o negacion, dentro di un periodo di cuatro siman pa promer permiso y di dos siman pa renobacion/prolongacion di permiso.

• Den palabracion cu Departamento di Impuesto, lo reubica e servicio di cahera di DIMP na DIMAS mas pronto posible.

Dentro di poco lo presenta na Conseho di Minister cambionan proponi pa LTU.

Lo solicita na ATU pa traha un conseho riba instalacion di un comision interdepartamental cu lo mester diseña un trayecto amplio di integracion riba tereno laboral, di enseñanza, cultura y migracion. Esaki lo bay den consulta cu un Comision di Conseho Migratorio.

• A instala un `stuurgroep’ na DIMAS consistiendo di representantenan di Bureau Min

LEI y dirigentenan di DIMAS pa percura y garantiza e cambionan necesario pa cu ehecucion

di maneho di ministro.

LEAVE A REPLY

Please enter your comment!
Please enter your name here