Eagle LNG, basa na Houston, a firma un carta di exclusividad cu Refineria di Aruba (RdA) siman pasa, y a keda selecta pa RdA pa set up un terminal di LNG cu lo inclui facilidadnan di bunkering.

Den un declaracion na Bunkerspot dialuna, Eagle LNG a bisa: “Eagle LNG su terminal lo actua como un stacion di LNG bunker pa barconan impulsa pa LNG operando rutanan comercial na y pa Aruba.”

E compania a agrega cu construccion di e terminal LNG lo ‘stabilisa y reduci e prijs di fuel usa den e produccion di awa y electricidad pa ciudadanonan di Aruba y su negoshinan, mientras cu ‘acceso na energia mas barata tambe lo beneficia e propuesta di reapertura di refineria di Aruba’.

Eagle LNG a bisa cu e compania lo financia ‘100% di e proyecto Aruba’.

Presidente di Eagle LNG, Sean Lalani, a comenta: “Nos ta comprometi na inverti den Caribe. Firma di e acuerdo exclusivo cu RdA ta un stap importante den e biahe pa trece gas Mericano limpi y barata pa e region. E acuerdo ta permiti pa Eagle cuminsa inverti y crea cupo di trabao na Aruba. Nos prioridad inmediato ta pa avansa diseño di proyectonan pa e terminal cu meta pa cuminsa construccion e berano aki.”

“No solamente Eagle lo trece energia stabiel y di costo abao pa tur Arubiano, cu un suministro di LNG cla na nos terminal ta provee oportunidad pa recarga barconan operando rutanan comercial na e region. Nos ta premira cu Aruba lo opera como hub pa e necesidadnan creciente di energia den e region, hopi similar na loke a pasa na momento cu Eagle LNG a construi su prome facilidad di produccion LNG ribae First Coast di Florida.”

E acuerdo entre Eagle LNG y RdA a conta cu bon acogida di prome minister, Evelyn Wever-Croes, kende a bisa: “RdA lo transiciona di heavy fuel oil (HFO) na gas natural cu e beneficio di stabilidad di prijs y beneficionan ambiental, energia mas limpi, y mas importante, desaroyo economico. Mientras LNG ta establece operacionnan na Aruba, lo crea trabaonan nobo cu e posibilidad agrega di habri un industria nobo di exportacion di gas natural cu Aruba como hub.”

LEAVE A REPLY

Please enter your comment!
Please enter your name here