Play-off 2016/2017 a ranca sali cu victoria pa RCA

Diabierna anochi a inicia e play-off 2016/2017 di Arubaanse Voetbal Bond den stadion Guillermo P. Trinidad na Dakota. Minister di Salud Publico, Cuido di Nos Grandinan y Deporte, dr. Carlos “Alex” Schwengle, Presidente di AVB, Ing. Richard Dijkhoff y Vice Presidente di AVB, Marlon Werleman, a bisa na final di e prome wega di tabata contento cu e inicio di Playoff 2016-2017. Apertura di e play-off a tuma luga cu gradicimento na tur esunnan cu a presenta pa mira wega y a desea tur 4 team exito durante e play-off.

Britannia a enfrenta Dakota den e prome anochi, unda cu den e prome minuutnan di wega Britannia tabatin dominio di e wega. Despues Dakota a cuminsa domina e wega y a cuminsa ataca e area di gol di Britannia. Na diferente ocasion ambos team a tira riba gol, pero Dakota ta habri e marcado cu gol di E. Bosnie na di 32 minuut di wega pa asina bay den e prome tempo ganando. Na di 42 minuut di wega Jonathan Ruiz y M. Kock a haya un carchi geel na momento cu ambos hungado a  tackle otro.

Den e di dos tempo di wega, ambos team a keda busca pa yega gol, pero Britannia a pone un tiki mas presion y a logra di empata e wega na di 69 minuut cu gol di Theric Ruiz. A saca coach di Dakota Eric Abdul na di 88 minuut di wega pa motibo cu el a sali for di su area y a benta hungado di Britannia abou. Na final e wega a termina empata na 1-1.

Diasabra anochi a tuma luga e di dos wega di e play-off unda cu Nacional a enfrenta e campeon di aña pasa, esta RCA. Desde inicio di wega ambos team a subi cu e meta pa gana pa asina nan bay cu e prome victoria, pero na final RCA a bay cu e victoria ganando 2-1. E prome gol a cay na 6 minuut di wega pa RCA y tabata J. v.d. Linde cu a anota esaki. RCA a bay den e mita tempo gana y den e di dos wega nan a busca e di dos gol cu a cay na 65 minuut y Eric Santos a anota esaki. Nacional no kier a bay cas sin anota gol y na di 73 minuut di wega Roy Albert a anota 1 gol pa Nacional. E team di Noord a busca pa tabla e wega pero na por a logra esaki. Roy v/d Huevel a haya un carchi geel despues di 90 minuut di wega pa motibo di comportacion no deportivo.

Wega lo continua dia 17 di Mei cu e di dos wega entre Dakota y Britannia, kendenan lo busca un victoria. E wega lo ta na stadion na Dakota pa 8:00 PM. AVB ta invita fanaticada di ambos team y amantenan di futbol pa yega stadion pa asina apoya nan team preferi y pa mira weganan di calidad.

A funda Arubaanse Voetbal Bond na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e muchanan, hoben, hende muhe y adultonan. E ta responsabel pa sanciona e refereenan y e torneonan di futbol organisa pa mayoria liga. Nan oficina ta situa den Compleho Deportivo Frans Figaroa na Noord.

You May Also Like

Dakota y Britannia a bay cu victoria importante den Division Honor

E playoff di Division Honor a bira mas emocionante despues di e weganan di ...

Spuiters y Balashi Premuin a splits nan serie 1-1 forsando un wega decisivo

Campeonato HEINEKEN di Aruba Softball Bond dedica na dos baluarte Sra. Bertha Wolf Croes ...

Comision Anti-doping a tene un charla pa e delegacion di Rosario 2019

ORANJESTAD – Diamars anochi e Comision Anti-Doping a tene un anochi di informacion pa ...

Aruba ta manda pa promer biaha un hungador pa World Youth Chess na Uruguay

Desde dia 16 te/cu 26 di September venidero, lo tuma lugar na Montevideo, Uruguay, ...

RCA y Deportivo Nacional lo bataya pa titulo di campeon

E campeonato di play-off 2016/2017 a termina diabierna nochi. E 2 ekiponan cu lo ...

Team Taekwondo cla pa Surinam

Den weekend cu a pasa e dos teamnan di Taekwondo Aruba a train na ...