Polis a detene un homber di 25 aña di Zaandam despues cu nan a haya 700.000 euro den efectivo scondi den un compartimento secreto di su auto. Polis a para e auto na A16 siman pasa y a haya e placa den biyetenan di 100 euro, den un saco na e compartimento secreto.
Polis a detene e homber y a confisca e auto pa investigacion. E declaracion di Polis no ta bisa si e auto a wordo para durante un control di rutina, of dicon el a wordo selecta pa un investigacion. E chauffeur ta permanece bou custodia.
