Uber a introduci un categoria nobo di keho den su aplicacion na Hulanda, pa personanan cu ta sinti cu nan a wordo discrimina por raporta esaki. E servicio di taxi a confirma e noticia aki na website di Nu.nl.
A agrega e opcion na e aplicacion di e compania despues cu un drag queen Jennifer Hopelezz dos biaha a bay publico cu el a ser nenga dor di un taxi. “Desafortunadamente ainda tin hopi discriminacion na Amsterdam”, ‘Hopelezz’ ta e alter ego di Richard Keldoulis, kende a haci e declaracion aki riba un video publica riba e pagina di Facebook di Uber.
“Casi semper mi ta ser nenga pa tuma un taxi y tin biaha tin un ambiente hopi straño den e taxi, y e chauffeur no ta papia cu mi”. E update a ser lansa na e capital Hulandes dialuna como parti di e celebracionnan di Pride.
Kehonan lo ser atendi via chat, e-mail y yamadanan telefonico y hende por nenga acceso na e app como ultimo recurso. E chauffeurnan tambe por entrega keho tocante pasaheronan racista. E vocero pa Uber a bisa cu e opcion si, tin exito na Hulanda, tambe lo por intoducie na otro paisnan.
