Polisnan na Cleveland, Merca ta buscando un homber cu ta sospecha dia tira mata otro persona den un atake despues di merdia riba Pasco Grandi – anto publica esaki riba Facebook Live.
E sospechoso, Steve Stephens, a graba su mes den un video bisando cu el a mata 15 persona anto cu lo sigui tira hende mata te ora cu polis gar’e. Su motibo, manera cu el a splica den e video, ta pasobra e semper tabata tin rabia y frustracion den su curpa anto aparentemente el a “flip” anto cuminsa mata ken cu ta cu e ta mira. Henter e ciudad di Cleveland ta riba estado di emergencia mientras cu Polis ainda ta busca e sospechoso cu ta arma y peligroso. Riba un di e videonan, prome cu el a tira mata un persona di edad (78 aña) e ta bis’e pa e bisa nomber di un ser femenino cu mester culpa pa tur e malo cu e ta haciendo. Akinan Polis ta bisa cu tin indicacion cu ta pa motibonan emocional relaciona cu su pareha. Den un rueda di prensa, Polis di Cleveland ta bisa cu ainda ta buscando e sospechoso anto cu a busca den diferente localidad y no ta na altura di mas victimanan. “E no por sigui pone su comunidad como victima a base di su problemanan personal,” Calvin Williams, hefe di Polis ta bisa.
Fuente: The Sun
Imagennan grafico di video cu sospechoso Stephens ta publica ora di tira mata persona di edad.
https://www.youtube.com/watch?v=H1k5NvWcy0c
