Segun informacion di vocero di Cuerpo Policial, patruya di Oranjestad atento tabata pasando den Laurens Costerstraat anto a tuma nota di 2 persona cu bivakmuts y arma di candela dialuna atardi. Nan tabata bulando cura y drenta mondi den forma sospechoso. Mesora e patruya a cuminsa e procedura pa detene e anti socialnan aki. A resulta di ta dos mucha homber di apenas 9 y 13 aña di edad.
Nan a wordo deteni y den nan poder tabata tin 3 pistol cu a resulta di no tabata di berdad(Nepvuurwapen). Nan a wordo deteni y hiba warda di Oranjestad unda cu nan ta aworaki pendiente di mas investigacion. Segun vocero di polis, mester resalta cu danki Dios a logra detene nan sin consecuencia fatal. E dos mucha hombernan a comete destruccion y purba horta den un percela na Laurens Costerstraat.
