Polis di Los Angeles cerca di determina causa di atake na stadion

Investigadonan ta kere cu nan sa kico a causa un altercado na e parking lot di Dodger Stadium, cu a laga un fanatico di baseball cu su craneo fractura siman pasa, pero nan no ta revelando e motibo te ora nan localisa e otro dos persona envolvi pa asina sa nan banda di e storia, un oficial a bisa ayera.

E condicion di e homber herida, Rafael Reyna di 45 aña, a mehora e siman aki, pero investigadonan ainda no a logra entrevist’e, segun capitan Billy Hayes a bisa durante un conferencia di prensa.

Reyna a wordo ataca rond di 12.30am diasabra mientras e tabata saliendo di un wega entre e Dodgers y e Arizona Diamondbacks, cual a cuminsa diabierna anochi. Reyna tabata den un yamada di Facetime cu su casa Cristel e momento ey, pero e app no ta graba e video, Hayes a bisa.

Un testigo a duna descripcion parcial di un homber y un muhe kende ta kere tabata envolvi, pero no a duna hopi pa distingui nan for di e publico general – edad como 20 aña, Hispano, cu paña di Dodgers.

No tin video di e incidente, cual Hayes a indica a sucede rapidamente.

“Locual nos ta kere ta cu nan no tabata conoce otro; cu e incidente a cuminsa for di un otro incidente cual a sucede contemporaneo na e altercado den parking lot”, Hayes a bisa. E no a duna informacion con esaki a cuminsa.

“Mi sa con el a cuminsa, pero mi no ta dispuesto pa discuti esaki na e momento aki”, el a bisa. “Mi ta purbando di haya un recoleccion independiente, ya sea di testigo, of e individuonan aki, na luga di mancha esaki door di bisa algo den media.”

A bisa cu Reyna ta den un coma cu aparato pa sostene su bida despues di a sufri un fractura craneal. Hayes a bisa cu su condicion a mehora. “Te diamars nos a haya sa cu Reyna a wordo kita for di e ventilator y cu e ta halando rosea riba su mes y ta recuperando consciencia”, el a bisa.

Pero el a bisa cu e famia a contrata un abogado, kende a pidi pa cualkier pregunta tocante e investigacion of salud di Reyna pasa mediante e abogado. “Pues na e punto aki mi no ta sigur ki momento nos lo por entrevist’e, y manera boso por imagina, herida riba cabes por algun biaha ocasiona perdida di memoria”, e capitan a bisa.

 

You May Also Like

China: Uniformnan cu chip pa monitorea studiante na scol

Scolnan na China awo por localisa tur nan studiantenan uzando uniformnan ‘smart’ ekipa cu ...

ba1ef6c3eb7e5e27047da2d78a31ceb4.jpg

Ta exigi castigo di 16 aña pa abusado di mucha na Indonesia

Un homber Australiano ta wordo acusa di abusa sexualmente di mucha muhenan jong na Bali ...

12383487.jpg

Segun Papa, no por identifica Islam cu terorismo

Diadomingo Papa Francis a bisa cu e no ta identifica Islam cu terorismo pasobra esey ...

Explosion di gas a causa desaster na Den Haag

Un homber a keda cubri pa escombro di un edificio di apartamento despues di ...

Trump ta defende retiro di director FBI

Legisladornan Democratico y Republicano ta bay duna un danki grandi na Donald Trump pa ...