Polis a gara 3 atracado arma den tercel shinishi madruga pasa

Dos hende homber y un hende muhe den un tercel shinishi a atraca 2 mucha muhe madruga pasa. Nan tabatin un arma di candela den auto ora polis a gara nan.

Awe diadomingo madruga pa 01:00 central di polis ta manda patruya di playa na bushiri na altura di fantastic garden pa un atraco. Yegando na e sitio e patruya ta mira dos mucha muhe coriendo y hisando man. Patruya a para pa nan y nan ta conta polis cu nan a pasa den un atraco un rato prome.

T’asina cu nan tabata sinta riba un piedra banda di fantastic garden y diripiente nan a wak un toyota tercel shinishi pasa y bira bek. Un homber ta baha di e auto cu un arma di candela y ta pidinan pa nan tas y placa. E ta ranka nan tas y ta subi bek den e auto y bay direccion zuid.

Patruya a hiba e dos mucha muhe na warda di playa na unda atraco team a presenta pa tuma e investigacion y tambe slachtofferhulp mirando cu e dos damanan a keda hopi spanta.

Di biaha patruya di playa a cuminsa cu un buskeda pa e toyota tercel shinishi y na altura retonde driemasterstraat ta topa cu e toyota tercel cu tres hende den dje. Nan ta logra para e auto y ta ordena nan pa baha di e auto. Ta trata di dos hende homber y un hende muher. Den e auto ta bin topa cu un arma di candela. Tur tres persona a wordo deteni y hiba warda di polis . E auto a wordo tuma den beslag pa mas investigacion.

You May Also Like

7 detencion accion den cas di droga

  Bao guia di Ministerio Publico (OM),  SGC (Sectie Georganiseerde Criminaliteit) di Cuerpo Policial ...

Accidente dilanti Great Rich na Paradera

Diasabra anochi dilanti Great Rich na Paradera a sucede un accidente unda un Hyundai ...

E otro banda di Carnaval: hopi mas detencion

Carnaval 63 a yega su fin. Manera custumber e tabata colorido y yen di ambiente. ...

Aruba ta habri su dia cu un asesinato

Awe mainta trempan pa alrededor di 4.30 di marduga varios tiro a keda scucha ...

Polis cu a comete abuso sexual ta haya 4 aña di castigo

Fiscal a pidi 3 aña y mey di prizon contra e polis E.R.B. acusa ...

Polis ta busca 3 atracado cu a bay cu 1700 florin

Ayera anochi despues di atraca un cas y bay cu 1700 florin, atracadonan a ...