Amsterdam,netherlands-may 17, 2015: Dutch police badge and radio walkie talkie

Polis Hulandes tabata involucra den shete incidente di tiroteo na unda cu personanan a muri of resulta herida den e prome seis lunanan di aña, e emisora RTL a bisa. Tres persona a muri y cuater a resulta herida di e tironan. Mientras cu e number total di e tiroteonan ta hopi abou di e añanan anterior, e number di morto ta mescos cu na 2018 y 2017 hunto.

Na 2018 den su totalidad, Polis a investiga 27 tiroteo cu ta involucra 3 morto. Den tur e incidentenan Polis a uza nan arma, cu a resulta den na morto of lesionnan cu ta formalmente wordo investiga. Den un di e tres incidentenan, Polis a tira un homber di 50 aña cu a intenta di scapa y a tira auto riba Polis.

Den e di dos incidente, awo considera como un “suicidio pa disparonan di Polis”, un homber di 31 aña di edad a punta un arma na e Agentenan di Polis pafo di Banco Central Hulandes. E arma a resulta di ta uno falso. E di tres incidente a tuma luga na Etten-Leur ora cu Polis a tira un homber di 57 aña cu tabata menasando personanan cu un hacha. El a muri di su heridanan na hospital.

 

LEAVE A REPLY

Please enter your comment!
Please enter your name here