Militar di Republica Dominicana a rescata cuater Venezolano, kendenan a keda perdi riba lama pa 13 dia, como 168km for di isla Beata, den sur oost di Republica Dominicana.

E institucion a splica riba Twitter cu a ricibi un yamada di emergencia, y a rescata e barco Pasavante, den cual a haya e Venezolanonan. E personanan abordo a ser hiba na e centro medico di municipio Pedernales, den sur oost di e pais, pa hidratacion y un examen medico.

Militar Dominicano a bisa CNN cu, segun e version ofreci pa e tripulantenan di e barco Pasavante, nan a sali di e puerto di La Guaira cu destino pa Boca Chica, Republica Dominicana, pa haci reparacion na e barco en cuestion.

E Venezolanonan ya a sali di hospital, recupera di deshidratacion. Segun e militarnan, unabes cu nan resolve nan problema mecanico, nan lo bolbe nan pais.

 

LEAVE A REPLY

Please enter your comment!
Please enter your name here