Dialuna marduga patruya di Oranjestad altura di Airport a duna un tercel un señal pa para pero e chauffeur a mustra e polisnan di no lo para y trot bay. Aki a start un persecucion y na e rotonde nobo na mahuma e chauffeur a subi e cero di santo y cu tin banda di caminda y bay pega den un otro cero di santo. Aki dos persona a core baha for di auto y e oficialnan a logra gara un, e otro a bay perde den e scuridad den mondi.
E motibo cu polis a core tras di e tercel ta debi cu un rato prome un señora a keda atraca pa dos homber arma papia spaño den Primavera y net e auto aki ta circula den e area bayendo ariba y no kier a para pa Polis y ta dos homber tabata den e auto. Polis no a logra haya arma den e auto y takelwagen a bay cu e vehiculo aki pa warda.
E homber deteni tin cu bay duna cuenta awo na sub fiscal y e team di atraco kico ta su rol den e atraco riba un señora y e motibo cu no kier a para pa Polis.
