Polis ta detene algun persona y confisca arma despues di tiro na Pos Chikito

Diabierna anochi habitantenan di Pos Chikito y Sabana Basora Noord a scucha algun tiro cay den e bario y a tuma nota cu esaki tabata bin for di un nissan sentra blanco y raporta na Polis di biaha. Patruyanan basta cerca di biaha a yega den e bario y cuminsa patruya, y na e casnan di pueblo na Pos Chikito a topa cu nissan sentra y e sospechosonan. Di biaha a tene un listramento den e auto y polis a canta bingo unda a haya e arma di candela carga y aki a detene e sospechosonan di biaha. A notifica recherche y asta departamento forensico cu a presenta tambe pa saca potret y tuma e arma y e auto den beslag.