Durante e apertura di Rio 2016 e team olimpico di Aruba a haya hopi comentario positivo riba nan trahe. E fuente Mericano famoso People a menciona nos team entre otro den nan articulo “The Olympics Opening Ceremonies Outfits You Have to See’.
The Globe and Mail a menciona nos traha nacional den nan articulo ‘The seven boldest uniforms from the Rio Olympics opening ceremony’
Algo otro: e remarcanan di e comentaristanan di Channel Seven (Australia) momento cu nan a mira e team Aruba, a wordo ricibi cu hopi critica na nan pais. Nan a referi na e cantica famoso di Beach Boys, esta Kokomo y cuminsa canta esaki momento cu nos team a sali riba pista. Pa despues comenta: “So, Aruba, not only a country, but also the opening word of a Beach Boys song.” (fuente: Daily Mail)
Riba e Facebook di Comite Olimpico Aruba por haya diferente video y potret di e ceremonia di apertura ayera.
