Awe diahuebs poco prome cu 12 or di merdia patruya di San Nicolas a wordo para na altura di Lagoweg pa un par di persona cu ta cunta cu un homber a wordo hinca cu cuchiu pa otro homber.

Nan a mustra e patruya e sospechoso y polis a detene esaki inmediatamente. A pidi ambulance cu urgencia pa e victima mirando su situacion. El a ricibi varios hinca na su bariga y na su pecho, sangrando profusamente. Ambulance a yega na e sitio y a stabilis’e y transport’e cu urgencia pa hospital.

Departamento di recherche tin e caso bou investigacion. Departamento forensico di polis tambe a presenta na e sitio hunto cu slachtofferhulp. Polis ta pidi cualkier persona cu tin algun informacion relaciona cu e caso aki pa yama tiplijn di polis na 11141.