E presencia di polis tabata evidente durante e bishita cu e lidernan politico di e partidonan cu a haya representacion den parlamento den eleccion ultimo a haci cerca gobernador di Aruba ayera.
Vocero di polis, Lito Lacle a bisa cu lo tin presencia di polis durante e reunionnan di consulta cu ta tumando luga den gabinete di gobernador te mañan merdia. E presencia di polis ta pa garantisa y mantene ordo publico.
Igualmente el a informa cu no a wordo registra niun incidente serio y tur cos ta bayendo bon. Igualmente el a elogia e comportacion di nos pueblo durante eleccion y durante e parada di cambio realisa pa partido MEP diadomingo.
Tabatin algun incidente pero nan tabata minimo compara por ta cu añanan anterior, segun sr. Lacle.
