Relaciona cu e actividad di Caiso & Soca na Carnival Villlage for di diasabra anochi te cu diadomingo den careda 4’or marduga tabata tin varios Polis riba caya. Tanto patruyanan di San Nicolas, Mobiele Eenheid, recherchenan y arrestatie team tabata riba caya. A listra varios persona cu ta sinta den gang of actua sospechoso tanto paden, pafo y den bisindario di e actividad. A realisa varios detencion pa hendenan bou influencia pa comportacion malo, droga y tambe casonan di arma. Na entrada di Carnival Village a detene algun persona bou influencia cu no ta comporta nan mes manera hende den publico. A detene un homber basta burachi cu a menasa y kier a bringa cu un di e guardianan di siguridad. Den Village polisnan a tene varios control y detencionnan a cay pa arma di candela.
